立即捐款

周諾恆 jaco

社民連內務副主席 網誌

社運

出生地之誤

出生地之誤
廣告

廣告

題為編輯所擬。

一時之間好多本土派飛撲而出話自己/自己陣營係咁易講過下「擁抱香港、愛護香港既就係香港人」之論,好似咁就可以掩蓋其餘九成時間對「大陸人」既仇恨言論咁。但係本土派群眾/網民「大陸閪」、「支那狗」、「死蝗蟲」之類標籤式謾罵,未見過本土派頭面人物指正一下。

咁,其實,左膠又好泛民政黨又好,從來都係話入境政策要檢討,移民人數要看地區承受能力,更更從來無所謂既左膠或者泛民會主張大開中門、福利任攞。如果以「講過下」作為標準,左膠又如何大愛包容、如何大中華膠?

本土派成日鬧「阻住抗爭」既長毛,都話過,「社會要改變往往就係會流血」,「你一味話要讉責人民既肢體暴力,其實就係鞏固緊當權者既制度暴力」,咁佢是咪唔和理非?唔左膠?

哦,又原來唔係睇佢***曾經講過***d乜,而係睇佢平時practice d乜?

咁本土派平時咪就係practice緊越來越似NAZI既類/準種族主義囉。攻擊大陸平民攻擊大陸乞兒嗰時,踢人車仔踢著本地人阿伯時,夾硬要check人地喼點知係香港學生買書、嚇到細路女喊的時候,有無本土派頭面人物指正呀?無。只有大首領話「細路女都嚇唔喊點抗爭呀」。當然了。既然攻擊「本地人」記者都只係沙石了。工廈劏房戶被迫遷,人人講緊窮人受欺壓太不公義既時候,黃台仰就話「佢地有好多係新移民」,有無本土派撲出來話新移民都有人擁抱香港價值?無。只有叫人唔好急住去幫唔好跟車太貼。

「本土主義不是(類/準)種族主義,判斷人是看其行為而不是出生地方在哪裡」呢句大愛包容過乜既說話,如果唔係到梁天琦突然承認自己是新移民先至一大堆人攞來講,我可能會信既。

依家先來講呢D?遲左少少。

廣告