1）AQO五年一檢有幾重要？
CAN成立以來一直跟進，政府先至係2014年收緊空氣質素指標，如果唔係大家要等多26年，空氣都追唔上希臘。
希臘2014年既PM10及PM2.5既水平分別係23.6同21.4微克／立方米；香港既2015年既數字分別係38同25微克／立方米，數據來自一般監測站水平，一定低過路邊水平。
2）魔鬼在細節
雖然政府首次推動五年一檢，但大家要睇實細節，如果唔係五年後又會原地踏步：
a）政府文件話會成立一個由環保局副局長率領既工作小組，並接觸唔同既團體，但究竟有關工作小組係如何運作？會唔會包括民間團體，定係只包括對政府友好既商會及專業人士？
b）而家只係講緊要成立五年一檢既機制，要去到2018年年中先至會有公眾諮詢，會唔會已經太遲? 拖延至2019都未完成？
c）層級問題 - AQO只係講緊係「合理切實可行範圍內」達致空氣質素指標，由副局長率傾既工作小組會唔會唔夠牙力，俾其他政府部門反對，最後檢完仲係唔達世衛水平？
3）你吸緊咩空氣？
a）二十年以來既路邊空氣污染水平指標 - 二氧化氮水平，從未達至世衛標準；
b）香港用緊既水平，叫做「世衞中期指標」，唔係世衛標準，呢個差距造成既影響，包括短期的死亡率上升約 2.5-5％、長期的死亡率上升約 15％、早逝風險較高等等。
資料來源：世界衞生組織
4）你可以點做？
a）密切關注AQO五年一檢進度，要求政府收緊指標至世衛水平；
b）支持CAN的工作，共同監察工作小組的組成，訂立公開透明機制，確保指標有效保障市民健康。