身為行李喼嘅我，真係好無辜。
我一直都係大家去旅行最重要但又最易比人忽視嘅角色，就好似今次兩個女人居然可以將我留低喺禁區外面，連機都就嚟上埋先記得我嘅存在。可能我頭腦簡單啦，自己衰左就一定係自己補鑊，有咩道理仲要嘈人地點解唔幫你拎，仲要拎埋老豆個名撻人地先？一個女有咁嘅老豆老母教，我幾肯定佢遲下都係一個敗類。
講返正題。仲記得有個職員死死地氣行過黎拎返我果陣佢一直喺度講「屌你老母真係以為自己大撚哂，都唔知點解有男人對住你會有性慾仲可以生到兩個女出黎」，之後拖我返過去果陣又喺度話「一日最衰都係件行李，阻撚住我收工，今晚又要寫REPORT，真係多撚謝哂」。喂，你估我想架？我行李喼嚟炸，果兩個女人自己行開左我可以點啊？唔通我自己行返去搵佢地？如果我真係咁做嚇撚死你都似啦！容乜易到時你地出哂啲機場特警又催淚彈又警棍扑我又開槍，之後又的我返上大陸審返一頭半個月問我有咩企圖架。話哂我身嬌肉貴，我淨係坐飛機嘅，唔好要我坐洗頭艇，我唔防水架。
到果兩母女拎返我之後，佢老母塊面仲黑過平時，個女就繼續陰陰咀笑咁樣。唔好見佢好似係一家人最正常咁，其實最撚陰濕就係佢，就好似今次單野咁，唔想搞大佢嘅話一句「我自己去拎」已經搞掂，但佢偏偏就睇住場大龍鳳發生，而自己就坐收漁之利。都讀到大學啦，我就唔信連自己行路同拎行李都唔識，計我話成家最有料從政嘅其實喺佢，正一笑面虎，佢心入面諗乜只有佢自己知。知唔知點解今次咁快有人被炒？咪就係有人喊哂口面同老豆講保安叔叔串佢「咁大個女都咁冇用」。你問我有乜證據？冇架啦，你咪搵多個行李出嚟同我唱反調，搞多單羅生門出嚟囉。
本身我對佢地塞撚哂啲狗屎垃圾落我度已經好不滿，而家仲要將佢地啲不滿發洩哂囉我身上，上機前都唔知比佢地係暗角位踢左幾多腳。苦就由我地啲最慘嘅基層受哂，佢地就有特權當正禁區係自己屋企一樣鍾意喺度煮個公仔面都仲得，諗起都嬲嬲地，襯下次佢又拎我裝佢啲咸魚味底褲果陣一於喺條行李帶度自爆，到時我睇佢老豆又點拆。
一個讚好，是對我的一點支持。
如果想分享給其他朋友的話，請標明出處並附上專頁網址。
FACEBOOK：https://www.facebook.com/MaoYanDe
TUMBLR：http://moyinday.tumblr.com/
Fanpiece：http://women.fanpiece.com/moyinday/