黃偉文寫嘅《百姓》，字字珠璣，時代曲就係有呢種氣魄，呢種宏觀，今日香港，到肉。
「大方針要統一，做隻棋」，係呀，講緊你同我呀香港人，連做兵都無資格，做隻棋咋陰公，睇下鬼國人打到香港人入醫院單野，有邊個出聲？一班普通市民，一班網絡紅人囉，仲有呢? 無喇Sor9ly。當日反走私客，踢篋，搞喊細路，果啲好偉大嘅組織呀泛民呀，反暴力又割席，又呢樣又果樣，喂，無晒聲氣，笠撚晒水，算點先？
有人一定會話：「咁都唔洗咩都回應架。」，喂呀哥，唔好話做議員啦，咁做人法都好無原則姐，如果係選擇性去發聲，咁同無原則都無分別啦。屌，唔啱咁啦，不如份人工都選擇性由香港市民決定比唔比，議員啲人工唔好計月薪，斷工作計，成功為香港人做到一件好事，再按事情嘅影響及利民程度去決定出幾多糧，咁做就應該會少好多仆街議員。講真，泛民選擇性收聲，同建制選擇性開聲都係一鳩樣姐，有分別咩？
「總有些人在山頂，總有些人在山腳」，沙田新城市廣場單野已經話緊比我地知，香港人就係企係山腳，我唔係妄自菲薄，事實就係咁。但係事實係咁又係咪代表要接受先？比人踩到上心口，係咪就要忍受先? 我就覺得唔撚係囉。香港人仲未受夠咩？ 由奶粉到學位，由學位到買樓，起唔起跑線都唔已經唔係問題啦，成個人生都會輸，明唔明呀？
我知，我知好多港豬都仲係「安份做百姓」架，好多港豬都未撚訓醒，而且會覺得:「受傷嘅人又唔係自己親朋戚友，事不關己，一於少理」，屌，係咪真係要到有一日受害嘅人係你身邊人先黎後悔，先黎屌先？我有個好天真嘅諗法，如果全香港排隊買六合彩嘅人都可以為被鬼國人打到訓醫院嘅香港人出一分力去討回公道，件事會幾型棍，幾美好? 不過下一秒我就明白，都係天方夜譚。
嗱，講到呢到，應該會有人話:「買六合彩都可以好關心件事架啵，無衝突架」，屌，香港搞成咁，我就真係無心情買六合彩囉。比你中左又點？係咪會肯用啲錢去幫香港人做番啲野？咪又係自己慢慢享受，然後一個唔該買棟樓，再做下炒家，樓換樓，然後學呀沈教授咁，隨時移個靚民囉，完。問心，關心錢嘅人多，定係關心社會嘅人多呢？心照啦。
「自行打交叉，塗自己的臉」定係「擇個時辰，翻身躍起」，決定權一直係自己手。做隻棋，你甘心咩？