立即捐款

徐姿

一個用自己開發的繪圖動畫軟件作畫的美術創作人。2013年獲得美國 New Yorker 雜誌 Eustace Tilley 國際公開美術比賽的兩個獎項。現以「一千零一魚」漫畫/評論系列顯現時事的荒謬,也藉之行使正急速消失的言論自由。 網誌

生活

一千零一魚 之 魚加之罪

一千零一魚 之 魚加之罪
廣告

廣告

【魚類被認罪大賽現場】

  • 三文魚:「對唔住,我迷信「三民」主義,唔符合國家奉行嘅社會主義路線。」
  • 針梁魚:「對唔住,我成日「針」對「梁」振英話佢無恥。」
  • 金魚:「對唔住,我穿金戴銀,貪腐不堪。」
  • 日本錦鯉:「對唔住,我去咗日本發展,背祖忘宗。」
  • 大黃花魚:「對唔住,我冇好好地喺中國水域繁殖,要勞煩大家遠赴北非幾內亞用拖網刮我哋返嚟。」
  • 中華鱘:「對唔住,我身為國寶居然詛咒國家「沉」,忘恩負義。」
  • 大彈塗魚:「對唔住,我由朝到晚諗住「彈逃」移民。」
  • 左口魚:「對唔住,我講啲嘢強辭奪理,毫無邏輯,丢盡中國嘅架。」
  • 中華白海豚:「對唔住,我掛住「中華」名號,但又半紅不白,立場不清。」(喂!你根本都唔係魚,冇參賽資格!)
  • 赤䲞:「請投我5號愛國赤䲞一票... 咦?對唔住,呢度唔係䲞魚選味會咩?」

稍後...

「魚類被認罪大賽」冠軍係--大黃花魚!
大黃花魚「一﹒條﹒不﹒留」咁為中國飲食業貢獻,仲仍然可以演繹出咁有感情嘅「認罪」,勝出絕對係實至名歸!

參考:BBC新聞

廣告