立即捐款

文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。 不想在沉默中滅亡,深信堅持才有希望。 網誌

生活

李嘉誠派五千蚊比學生係咩玩法?

廣告

廣告

李嘉誠派錢,起初以為我自己眼花,點知真有其事。政府派錢比市民,見過,但係由富商擁有嘅基金會派錢比學生,聞所未聞。第一時間諗,有咩動機?

話說呢個基金會推出香港中學文憑試考生「善用錢」計劃,向每一位天水圍、離島區中學2017年嘅應屆考生無條件咁派五千蚊現金,想幫補學生係生活以及讀書方面嘅開支,用意好似幾好,但係點樣可以肯定學生會將呢五千蚊用得其所呢?可能有人會拎去買部新手提電話去玩《PoKéMoN GO》,可能有人拎去買名牌手袋,可能有人拎去買模型,無限可能,如果做唔到初衷,成件事就會失去意義。

更重要嘅係,津貼學生唔係應該由政府做架咩?點解要由一個富商嘅基金會去做呢?因為政府無錢?咪玩啦,捐少一次錢番比大陸已經可以幫到好多香港學生啦,咁政府點解唔做呢?

問心啦,而家係香港,衣、食、住、行,好多品牌都係李嘉誠嘅,筆錢到最後分分中落番佢個袋,咁樣做場show,好似好偉大咁,其實就名利雙收,呢啲咪係名符其實嘅奸商囉。

如果真係想為學生好,李生大可以考慮開理財班,教學生點樣理財,點樣運用手頭上嘅有限金錢去做適合嘅投資,累積財富。又或者係資助學生創業,實現夢想 ; 更甚嘅係,唔好再玩地產霸權,等學生睇到自己未來係有希望,而唔係打一世工,又唔食唔飲十幾年先上到樓囉。

派錢?真係幫到學生咩?

文探花 Be The Third

廣告