體育

唯一拒用外援嘅印錦賽A區球隊

廣告
唯一拒用外援嘅印錦賽A區球隊

廣告

港超聯元朗隊有九巴贊助仲有九巴員工加盟踢職業,夠晒話題性,九巴贊助元朗隊再揀幾個踢過低組別嘅九巴員工加入球隊都好平常,反正就係宣傳,有冇得出場後話啦。而印尼嘅PS TNI(印尼軍足球隊)同其他國家嘅軍字號職業球隊唔同,真係有軍人加盟,軍人球隊搵軍人去踢都好正常,都係有宣傳作用。

陣中守門員Dhika Bayangkara(巴楊卡拉)每次上場都有唔錯嘅表現,佢除咗係守門員仲係一位軍人,好多人都認為有軍人身分嘅球員並非職業球員,呢班軍人球員其實同一般職業球員冇分別,平常日子就係練波比賽練波比賽練波比賽同練波比賽,甚至比起一般職業球員操得更狼,只不過多一個身分咁解。

而PS TNI(印尼軍)係印錦賽A區中唯一唔用外援嘅球隊,隊中有一半球員係印尼軍人,但呢班小朋友做軍人之前都係踢職業足球出身嘅,所以能力唔會差過其他球隊嘅本地球員,不過冇外援幫手同冇一個固定主場始終都係差啲,現時印尼軍排喺積分榜下游位置,有機會包艇埋單。98年印尼獨裁總統蘇哈托倒台後,印尼軍人影響力大不如前,不過近年軍方又開始活躍參與社會活動,包括足球運動,唔少人都認為印尼軍走入球壇係有政治目的,但亦有唔少只想睇波嘅球迷認為印尼軍加入有好處,因為有軍人身分班球員應該唔敢打假波!比賽態度會認真咗,球迷角度睇係好事。

廣告