立即捐款

Momay

我係熱愛足球嘅油漆佬。 網誌

體育

孟加拉足球搞極搞唔起?

孟加拉足球搞極搞唔起?
廣告

廣告

足球喺南亞地區唔算主流運動,好多南亞國家都係板球天下,而板球都係孟加拉國球,當地有一個職業板球聯賽叫 Bangladesh Premier League(孟加拉超級聯賽),同孟加拉足球頂級足球聯賽 Bangladesh Premier League同名,所以後期孟加拉足協就加入''Football'' 一詞變成 Bangladesh Football Premier League(孟加拉足球超級聯賽),點解要係足球聯賽加 ''Football' '一詞而唔係板球聯賽加''Cricket''呢?因為喺孟加拉足球地位唔夠板球高囉!

雖然板球係大佬,但唔代表孟加拉冇足球迷,上年孟加拉有分踢世界盃外圍賽第二圈,雖然得一分收場,但平均都有13,432入場,比起鄰國印度更多,而孟加拉亦係繼印度之外第二個有職業足球聯賽嘅南亞國家,2007年起成立職業足球聯賽B.League。現時叫 Bangladesh Football Premier League 嘅孟加拉足球超級聯賽擁有十二支球隊參賽,每支球隊可以註冊四位外援,吸引大量北美洲及非洲國家嘅外援球員到來,例如上季孟超聯總射手就係效力 Sheikh Jamal Dhanmondi Club(達安蒙迪)嘅 Wedson Anselme,來自海地嘅前鋒。不過經過差唔多十年嘅發展,孟加拉足球喺國際賽依然都係冇乜成積,青訓產品出到去都係輸多贏少,點解孟加拉成立咗職業足球聯賽一段時間,但實力都係冇乜大進展?

有一個職業足球聯賽最少好樣球員有一個生存平台,係發展足球嘅重要一範,但唔代表即刻可以得到提升及改善,搞職業足球聯賽之外仲有好多嘢要做,例如青訓投入有幾多,而且要睇埋社會、國民大眾對足球嘅支持有幾多,足球先有得搞,所以唔可以只將目標放喺搞好職業足球聯賽一項內,但最重要係孟加拉嘅職業足球聯賽喺好多足球專家眼中都係唔太專業,比印度I-League更差,被嘲諷為得個殼嘅職業足球聯賽。而點解搞極都咁頹,頹到南亞足球錦標賽入面又畀尼泊爾、馬爾代夫踢出局要贏不丹先可以開齋?孟加拉成億咁多人,搵唔到十一個足球精英嗎?唉,中國同印度咁疊馬,足球咪又係搞唔起!

廣告