睇完呢條片，唔知大家有咩反應？覺得係陰謀論，好似當年陳水扁咁？定係何君堯敢做唔敢認？由周永勤背景入手，應該會有啲端倪。
周永勤係自由黨黨員，本身都算係半個建制派，以前幫鄉事派鄧兆棠、鄉議局立法會議員劉皇發等人做過嘢，可以話傳統鄉事派，同中聯辦關係自然緊密。周永勸有呢種背景，又係地區工作咗超過20年，一定會有好多票源，對西環新寵嘅何君堯黎講自然造成好大壓力，何君堯要搶佢票，好合理，但搞到要恐嚇佢屋企人，就絕對不能接受。你問我周永勤有無需要「扮受害者」，睇番佢嘅作風同埋自由黨背景，無咁嘅必要囉，明刀明槍選，周永勸未驚過啦。
掉番轉諗，何君堯會唔會用呢啲下三流手段去迫人退選？肯撚定會。一個自稱係社工但原來唔係、又話支持警察係年初二晚開槍殺人、係律師但又要係法庭自拍、虛報學位等等嘅人，為左新界西呢塊肥豬肉，刑事恐嚇周永勤就可以迫到佢退選的話，怕咩做？
黎到今時今日，周永勤要係現場直播嘅選舉論壇入面宣佈因為家人受到威脅而要退選，甚至話有廿幾三十人會等佢，但係都唔報警，點解？係咪因為對方威脅報警就會傷害佢屋企人？一個身份背景都唔係差嘅候選人，都要搞到呢個田地，情緒同精神壓力都接近爆煲，睇佢回應記者嘅反應就知，呢種崩潰亦唔係隨便可以扮到出嚟。何君堯係咪黑手? 呼之欲出。
周永勤同佢屋企人嘅人身安全係點無人知，被消失？被自殺？我望住周永勤最後崩潰嘅樣，就好似望住香港人嘅結局一樣。香港人都只不過係想有移民審批權姐，都只不過係唔想有未夠班嘅醫生黎香港執業姐，都只不過唔想飲鉛水姐，好過份咩？面對呢個情況，除左係咁屌鳩何君堯，希望佢輸之外，我地仲可以做咩? 乜撚都做唔到呀！
然後我仲見到好多港豬只係關心買邊款冰皮月餅，我仲可以講啲咩？