文和圖: 「做個聰明選民」運動
用指南針入蠻荒同佢鬥搶灘，就要有冒險同果斷嘅精神！
人哋用「掌心雷牌」GPS 配票，重出齊航空母艦同戰鬥機護航，我哋人人一葉輕舟，只得一個「港大民調牌」指南針，惡霸重想攞走埋唔俾我哋睇！好采我哋有互聯網，等輕舟可以互相呼應。雖然人人駕舟技術唔一樣，但係唔緊要，只要方向差唔多，夠機警靈活，就有機會佔領灘頭！
搶灘要訣：大刀闊斧，收窄名單，集中票源
第一輪收窄名單:
用「質素」做篩選 － 無料到嘅、無誠意嘅、難辨中奸嘅，全部唔要！剩落嚟嘅就係自己都可以接受嘅候選人。（「聰明選民主工具箱」）
第二輪收窄名單:
用「勝算」做篩選 － 睇「前線科技人員」根據港大滾動民調原始數據製造嘅「每區候選人民調走勢互動圖」同「每區候選人民調排名表」，個圖同個表都可以揀包括或者不包括「游離票」，非常清楚好用。
毫無勝算嘅，唔要！但民調走勢後勁凌厲嘅值得考慮。如果勝算差唔多，就再用番「質素」嚟做最後决定，揀自己最鍾意嗰個啦！