立即捐款

政經

當反對派議席過半

當反對派議席過半
廣告

廣告

1. 今日張志剛有篇文,叫〈泛民過半 香港玩完〉,大意是他擔心反對派在立法會過半的話,香港會「亂上加亂」,「以癱瘓議會來跟政府討價還價,變相造成『立法主導』」。在立法會選民基礎闊過行政長官的今日,我唔覺得張志剛說的情況是壞事,反而覺得幾好,大家應該努力幫佢發生。不過我還是想提多一點:張志剛講得未夠盡。

2. 大家都知我去完東歐返來,對前蘇聯的所有事物都十分之著迷。當中對於點解波羅的海國家可以成功獨立,之後又無乜大的政治動盪,發展越來越好,相當之有興趣。今年又係蘇聯解體25週年,冇理由唔講下。我發現有一點好重要的,就是各國獨立之前,反對派先要在當地的立法機關過半。喂,你要獨立,都唔係求其一條友企響市中心話獨立,外國就會承認你。要有認授,議會過半可以話係必要的過程。

3. 只要議席過半,就太多事情可以做。好像是立陶宛,一過半,第二日就宣布獨立,勇到呢。唔想明獨,又可以暗獨。好似愛沙尼亞咁,先恢復本地語言地位,重用舊國旗國徽等等,到最後埋門一腳先改埋個國號又得。而當越來越多的加盟共和國的反對派過半,就反過來輪到蘇聯自己捱唔到落去。到了蘇聯自己玩完,大家就自由了。

4. 換轉香港,如果議會過半,冇話一定要搞獨立,但起碼所有赤化工程都會因為議會唔俾錢而立即停止。這是最現實最直接的進路。當然,如果真係做得到,正如蘇聯一樣,帶出來的影響肯定就唔止於香港境內了。呢點,先至係共產黨最驚。

5. 立會有冇可能過半?先唔講直選,功能組別都可以爭位架嘛!要講有冇可能,我見到好多政團提出的路線圖其實更冇可能。反過來講,當年蘇聯壓迫下的人民,又點估到自己會有贏的一日呢?

廣告