立即捐款

鍾劍華

理大應用社會科學系助理教授/理大社會政策研究中心主任 網誌

政經

但願「喊」會成為「香港特首受鈀定律」

但願「喊」會成為「香港特首受鈀定律」
廣告

廣告

(Now TV截圖)

交足戲啦,香港人你哋重想點?

早幾日還扭扭捏捏,唔肯承認係自己做決定,把橫洲發展目標減至4000個。還要奸笑,作出露骨的暗示,意圖把責任卸俾曾俊華,結果搞出個大頭佛,出了一鑊特區三巨頭卸膊騷。

好啦,終於係D政府文件搵到 Phase One 這個字,可以用嚟話意味住重有第二期、第三期,甚至話有N期,話做到3016年都得。重唔係執到寶。

所以今日就可以咁講:「做決定,係我應有嘅擔當」。

香港人,你的重識唔識得感恩?你睇我哋呢位特首幾有擔當!重識得喊㗎!係唔係多番D人味呢?

咁點解早兩日完成不一樣敢擔當,重要意圖陷害曾俊華?真係咁有擔當點解早兩日唔肯認?今日竟然又可以講到咁大勇大義?可能佢當香港人個個都係儍仔,或者個個都係民建聯!

記得當年曾蔭權行將落任,除了俾人篤爆接受款待之外,重涉嫌接受平租深圳豪裝大宅。結果要向立法會解畫。嗰次咪又係企喺度喊。真定假就唔知。但總算交足戲!你哋重唔滿足?香港人,咪咁貪得無厭好唔好!

但願「喊」會成為「香港特首受鈀定律」,喊完要收皮,重要被刑事追究。係就好咯!

我係唔係好黑心?

廣告