昨天與朋友聊天，她和我吐苦水：「每次一家人去行商場，我個女都要扭計買玩具，每次爹哋都會即刻應承佢，我怕咁樣好易寵壞個女，但又唔夠嗲哋講……」，
我沒有直接回答，我和她分享了一個例子。有一次，我和女兒逛商場，女兒看到別的小朋友哭嚷着買玩具，於是她指着一件大型廚房玩具，要我立即買。
我︰「呢個玩具都幾靚，你真係有眼光！。不過我哋屋企已經有唔少玩具，而且都好新淨，點解仲要買呢?」
女兒 :「因為我可以用佢學煮野食，可以整好味嘅野食比媽咪、家姐同婆婆…」
我：「都係呀，仲有無其他原因呢?」
女兒：「我年紀細，唔可以用真廚具，呢個玩具可以比我練習，咁就唔會有危險。」
我:「無錯呀，但係屋企真係有很多玩具，無咩位，不如咁樣，我哋先番屋企執下啲玩具，騰出空間。同埋，呢個星期你要先練習清潔自己間房，就好似媽媽清潔廚房一樣，為你嘅新玩具做好準備，你做得到嗎？」
女兒：「我做得到！」
我選擇了不直接馬上滿足她的慾望，而是先認同女兒的眼光，然後問她購買理由，如果她能說出合適理由，就已經是在訓練她的多角度思考及邏輯推理，然後就趁機跟她談些小條件，如在約定期內都跟着做，就滿足她的要求。
這種「延遲滿足」的做法有助孩子控制自己的欲望，鍛煉意志力，有些父母對孩子無微不至，卻往往過分遷就，事事有求必應，以為這樣就是愛，但事實往往相反，會導致孩子不懂珍惜、忘記感恩。
只要小心把握，培養「延遲滿足」的時機天天都有，例如孩子說「我想吃糖」，父母可以說「等多半小時，我就給你兩顆。」，一切從生活上的細節開始，以小習慣孕育出孩子的大智慧！