立即捐款

鍾劍華

理大應用社會科學系助理教授/理大社會政策研究中心主任 網誌

保育

唔講得笑!霧霾真係戰略資源。香港也有這種專家

唔講得笑!霧霾真係戰略資源。香港也有這種專家
廣告

廣告

昨日才開完玩笑,說霧霾是中國的戰略資源。據「專家」講原來係真嘅,真係唔講得笑。

附帶問題,點解中國總是有這麼多這樣的專家學者?

其實唔止大陸,香港都有。今日那一位政治社會學鼻祖、全國港澳研究會副會長、全國政協委員又出來放屁話了。佢大意話港大最新一輪調查發現少咗人自認香港人,反映反港獨令更多人提高了國家認同,又話中港矛盾現曙光,梁振英唔選反映中央希望改善香港氣氛,爭取與溫和民主派加強溝通⋯云云。

唔知真定假,不過稍為識得下社會研究及調查嘅人都應該知道,呢一類咁嘅研究唔係睇一次,而係要去睇整體趨勢。回歸差不多二十年,趨勢顯示35%人身份認同為香港人這個趨勢,也是回歸之後一個比較高的水平。如果因為這一次稍為比上次少番啲,就可以講到咁樂觀咁結論性,係咪有啲唔對咀型?究竟佢識唔識得社會研究?冇理由唔識㗎?大教授喎!

唔知真定假!我唔似佢,佢背脊可能真的敲得響。只係奇怪,點解佢出嚟發表偉論之前,唔先自己回帶睇睇。睇返佢幾個禮拜前、梁振英重未宣布唔競選連任的時候、D梁粉及白宮發言人不斷寫文章發話凶傳媒及其他潛在對手的時候,嗰陣時呢位副會長又點講。佢自己記唔記得幾個禮拜前佢又講咗啲乜嘢,同今日講嘅嘢點解差異咁大。

我估,既然有人講得出霧霾可以扺擋激光武器咁巴閉,將來如大亞灣核電站出事,副會長會夠膽說,輻射可以治療癌症,而且會令人長生不老。

廣告