立即捐款

鍾劍華

理大應用社會科學系助理教授/理大社會政策研究中心主任 網誌

政經

一年又盡總「嬲嬲」

一年又盡總「嬲嬲」
廣告

廣告

(梁振英 Facebook)

一年又盡總嬲嬲,新年將至又何求?
特區爛局誰能補,維港波瀾總未休。
勿望新人開新局,只盼舊夢依舊謀,
歲去歲來總有望,何須無力泣楚囚。
總結2016年的一句,就是「嬲嬲」!

其實都唔止係今年,但真係冇辦法唔繼續「嬲嬲」。

命中註定,生活在特區香港,面對共產黨、面對強力部門、面對嗰班咁嘅特區高官、面對今時今日啲政治貴族、面對政商鄉黑、面對土豪大款、面對五毛藍絲、面對學術鷹犬、面對變種傳媒、面對民建聯、面對愛字頭、面對西環、面對CY、面對林鄭、面對摸底、面對假諮詢、面對出位、面對鎅票、面對捉之不盡的內鬼、面對無法理解的戇居、.......總之,令人嬲嬲嘅嘢,好似數極都數唔晒,而且仲會不斷自動變種,自我繁殖,仲犀利過變種超級病毒,仲犀利過禽流感!

2017又如何?
上面堆嘢,一定會繼續搞你!
思歪就快起身啦,冇得留低啦!

但係仲有好多牛鬼蛇神會繼續興風作浪喎!

仲有中國共產黨、仲有國家領導人、仲有人大委員長、仲有西環乜主任、仲有基本法立法原意、仲有國內法律專家學者、仲有本任佢點解釋都得嘅基本法、仲有DQ、仲有JR.......……、仲有撈飯糞、仲有痰餵豬、仲有犯婦人、仲有薑蓉、仲有劉教授、仲有好多個乜教授、仲有一大班掹衫尾嘅學術翹楚、仲有專業精英、仲有班政治藍血瘀血.......……、仲有班新香港人、仲有維園阿伯阿叔阿嬸阿哥阿姐、仲有死極都死唔哂嘅 Old Seafood、仲有陸續有來的New Pop Street、仲有班可能老過阿鼎嘅民建聯青年團、仲有班契仔契女契弟、仲有功能組別、仲有好多識時務嘅俊傑、仲有班唔知幾時喺邊度死出嚟嘅所謂青年才俊......

總之,仲有好多好多。They can't kill us all, 我哋又砌得佢哋幾多個?

諗真,有時嬲得幾多?除非唔介意搵命博!

不過,大家首先仍然要保重身體。然後,要保持頭腦清醒,保持衝天幹勁,保持無盡鬥志,總之一息尚存,都要繼續撐落去。就算唔一定要同佢哋死過,都一定要令佢哋冇好日子過。

要唱真香港,就要唱衰佢哋、要抵制佢哋、要篤爆佢哋。唔可以俾佢哋為所欲為,就算輸淨條底褲都要繼續悍衛條底褲。

H5N1、H3N9、H乜N物又如何?我理得佢哋愛乜愛物,話之佢哋乜黨物國。

最緊要唔好自己後天政治免疫力失調,唔好惹到政治愛滋病。人生有邊一日唔係戰鬥?生活喺香港,除非你甘心做共產黨嘅政治慰安婦、除非你唔介意日日俾呢一大堆政治畜牲政治強暴及政治騷擾,唔係,仲有得揀咩?

Leave 2016 behind, 擁抱2017!

廣告