我就是施永青口中的環保人士，但我並沒有物業，住緊半間於荃灣三棟屋村的村屋，可以叫做村屋劏房。剛剛業主加了租，350呎，要8200元一個月。租金係貴，但我反對發展郊野公園。
因為我知道，就算不斷盲搶地，住屋問題也不會解決。近年政府已增加土地供應，私樓供應量亦上升，但樓價卻沒有下降。個真相係，香港的房地產市場深受大陸影響，包括大陸走資及大陸移民。大陸地產商以天價奪得啟德土地，麵粉價咁高，變相是托市。而持續來港的各式所謂大陸專才，又租樓又買樓，形成很大的需求，抵銷了好多新舊的單位供應。施永青的中原地產都賺唔少佣金吧！
大家不要忘記每年以萬計的大陸生，各間大學附近的租盤通通有殺錯冇放過，咁私樓租金又點會可以下調？香港人不禁望「盤」興嘆，施永青你的中原地產咁多數據，你又唔講下減大陸生？！
很多原有能力租樓的家庭，一係繼續捱貴租(好似我咁)，一係推向申請公屋及租劏房，使低下階層住屋問題更複雜。本身公屋需求已很大，源頭是單程證﹗是單程證﹗是單程證﹗(因為重要，所以講三次) 這是梁振英、施永青、建制派及左膠也迴避的問題。今天我經過荃灣民政事務處，剛巧就見到一個新移民家庭攞公屋申請表。現時只要家庭成員有一半係香港人，就可以申請公屋，仲要同全是香港人的排同一條隊。
冇錯，單程證審批權在大陸政府，咁唔代表我地唔爭取﹗每天150人，一年5萬多個新移民，主權移交以來已有91萬新移民透過單程證來港。講真，起幾多公屋都唔夠啦。爭議多時的橫洲公屋項目，提供17,000個單位，剛剛只夠滿足一年的單程證移民的住屋需求。所以，點都唔可以開發郊野公園，起公屋都唔可以，因為要幾多郊野公園先可以滿足新移民的住屋需求？
香港不能靠搵地來解決房屋需求，這只是梁振英騙人的技倆，而施永青作為既得利益者，當然附和。要解決房屋問題，必須處理大陸走資及各式大陸移民。開發郊野公園，由始至終都唔係一個方法！