社運

IT界選委撐公民提名 「民主派要堅守理念」

廣告
IT界選委撐公民提名 「民主派要堅守理念」


廣告

陳宇明(左)、陳澤滔

(獨媒特約報導)去年12月,民主派於選委會選舉中取得300餘席,不少支持者感到振奮。「民主300+」涵蓋政治光譜之廣,由保守到激進,眾聲喧嘩,團結各方的最大公因數是反對梁振英連任、反對人大831決定、捍衞香港核心價值。

然而走到今天,選委之間的分歧漸現。提名期已於昨日(2月14日)正式展開,主流民主派籌劃將曾俊華、胡國興雙雙送入閘,支持唯一循公民提名參選的梁國雄的人,成為了少數。資訊科技界選委團隊「IT Vision」的內部正是意見迥異,參選時的「團結」旗幟,已不能掩蓋分歧。

16427604_221187565010515_5690345165746373869_n
IT Vision與3名參選人分別會面,陳宇明和陳澤滔都沒有出席,兩人指會面都安排在上班時間。圖中左四為方保僑。(IT Vision圖片)

公民提名現分歧

IT Vision由立法會資訊科技界議員莫乃光牽線成立,「班底」包括上屆嬴得過半數選委席位的「IT Voice」,以及前線科技人員、政黨成員、公共專業聯盟等,甚至有本土派東九龍關注組,光譜可謂眾選委團隊中最廣,最後成功全取30席。

社民連梁國雄上星期正式宣佈收集38,000個公民提名參選,IT Vision成員方保僑當日接受獨媒訪問,已表示在小圈子選舉搞公民提名沒有意義;他日前出席《城市論壇》,更明言接受以人大831決定為討論起點。方保僑近日再撰文,稱公民提名是「本末倒置」、「有篩選」,只須以民意調查找出最高民望的參選人。

IT Vision不會綑綁提名及投票,但外界少有關注團隊內的少數聲音。其中一名成員、公民黨黨員陳宇明就認為,公民提名十分重要,「如果有候選人爭取到足夠提名,選委有責任提名畀佢。」他表示會向公民黨申請,如果梁國雄獲得38,000個公民提名,就將提名票給予梁。

另一IT Vision成員、東九龍關注組陳澤滔亦指,不會批評方保僑的言論,但言「可能佢唔係傘兵,件事(公民提名)對佢嚟講無咁深刻。我真係訓咗70幾日喎,我覺得公民提名重要過好多嘢。」陳澤滔指,現在最想做的事是實踐公民提名,「而家做公民提名係一個好實在嘅抗爭,否則就只會變成口號。」

IMG_2787

陳宇明:不應變成「民意派」

民意吹捧曾俊華,成為選委作決定的主要理由,「但我哋係民主派,唔係民意派」,陳宇明認為必須堅持基本理念,追求公平民主、自由開放的社會,「除非曾俊華話要經公民提名,攞我哋張票,否則我冇可能考慮佢。」

「曾俊華點解唔係689 2.0?就係因為佢比較親民,好似有計傾?梁振英當年都係比較和善、親民。」陳宇明認為,目前所有建制派參選人在政改的立場,都沒有脫離831框架,與民主訴求有很大距離,「睇政綱,我唔覺得佢(曾俊華)係lesser evil,佢都只係一個evil。揀俾邊個強姦係冇意義,我都係俾人強姦。」

陳澤滔:堅守兩年以來的價值

陳澤滔則指,明白「兩害取其輕」是人性選擇,但作為政治人物,「你要發揚光大的是理念」。「假如你傳遞的不是理念,而只是走精面、做一個smart ass,其實你不是政治人物,只是businessman(生意人)。」

民主派近日念茲在茲要締造有競爭的選舉,「兩年前我哋唔係咁講㗎喎」,陳澤滔的語調變得凝重,「兩年前我哋話,三個爛橙都唔係一個有競爭的選舉。你可以推翻兩年前嘅嘢,但唔該請俾出證據。」

「我好介意點解大家唔將自己兩年前的想法付諸實行。」陳澤滔認為,民主派力量微弱,不足以「造王」,應該利用這次機會推動公民提名,「無論是曾俊華或林鄭,要贏都係睇非民主那『800+』,而不是『民主300+』的取態。」

陳澤滔坦言,沒有參與過民主300+的會議,「我去發言咪即係搵交嗌」。「我都好question(疑惑)佢哋,今日點解會得出支持曾俊華的結論。」他反問支持曾俊華的選委,是否違背了民主300+的三大原則,「你係咪欺騙咗選民?」

IMG_2812

質疑民間公投違原意

談到戴耀廷發起的民間投票計劃,陳宇明和陳澤滔不約而同表示,有違公民提名的原意。撇除潛在的科技問題,陳宇明首先質疑的,是為何將建制派放在公民提名列上,「曾俊華都無講過要拎公民提名,點解要幫一個唔支持公民提名既人爭取提名?」他又指公民提名應該是親自落區,「應該好似區議會、立法會選舉,逐個選民攞提名」,只要有足夠數量就可入閘,不需要比較。

記者:石姵妍、劉軒

廣告

style="display:inline-block;width:300px;height:250px"
data-ad-client="ca-pub-8841779031775169"
data-ad-slot="9593291331">