立即捐款

阿灰

香港土生土長七十後,愛自由愛民主,討厭專制強權。 認為香港六、七十後生在繁榮安樂的時代,更應盡力做好本份,為下一代捍衛自由、法治、人權、廉潔及司法獨立,努力追求民主。 網誌

政經

好仔唔當差?

好仔唔當差?
廣告

廣告

我自小對警察冇好感。中文作文「我的志願」從來都唔會係警察。細個時印象中警察多數係抄我老豆車牌,好惡死。只見老豆阿媽成日都要低聲下氣求警察「俾次機會」咪抄,我覺得啲差佬憑乜嘢要我雙親咁受氣!? 當時係70年代。電視中「差佬」形象一般都係「爛撻撻」,粗口爛舌,隨意打人。

到80、90年代差佬形象好似有啲改善。睇得多「警訊」同「新紮師兄」,慢慢覺得差佬都未必衰得晒。到李君夏時代,以及回歸前後嘅許淇安、曾蔭培、李明逵等「一哥」 ,警察形象同態度有進步,可以話係黄金期。可惜由鄧竟成開始,一切又開始倒退。到曾偉雄時……唔駛多講啦。依傢, 我感覺就好似翻返70年代「有牌爛仔」、「好仔唔當差」嘅時代。

可能我樣衰,成日都撞到啲冇禮貌嘅差人,尤其係話你違例泊車嗰陣,真係當正你係賊咁呼呼喝喝。普通PC可能冇咁串,但係啲著白衫嘅督察就真係不敢恭為。

依傢7警判刑,黄絲歡呼,藍絲小爆。講真,衰嘅差人又何止7個,當然我亦知不可「一竹桿打一船人」。但係聽埋現任「一哥」講嘢,堂堂一個執法部門嘅阿頭竟然毫無歉意,更徨輪會檢討警員執法態度同改善警民關係嘞。再加埋嗰位乜乜員佐級協會主席話判刑不公……特區警察正極速地自我降格變成「特區公安」。8、90年代至回歸初期嘅高質警隊已可能一去不返。And too bad, 「好仔唔當差」呢句說話又晌我個腦内陰魂不散。尤如689雖然一路好走升仙做「国家领导人」,但係佢嘅陰魂好大可能會上身嗰個更陰毒嘅女版2.0,死多兩錢。

香港,唔通真係要一蟹不如一蟹至安樂?冇人想無情情移民,但係望住對仔女,我只能諗到盡力將佢哋放洋,先有生路。希望我係人憂天,做盏明燈,估乜錯乜!

廣告