體育

印尼選雅加達首長,又關佩斯查咩事?

廣告
印尼選雅加達首長,又關佩斯查咩事?

廣告

本嚟印尼選雅加達首長海外華人媒體極少跟進同報導,因為冇乜關連同冇乜影響世界之威力,但一個印尼華人鐘萬學就成為海外華人媒體報導雅加達選首長之主因,呢位華人政治家上台後就畀一班伊斯蘭保守派分子瘋狂攻擊,雖然選前民調領先,但選票未能過半要進入round 2,若果由對手勝出或者會影響印尼華人、其他非伊斯蘭信仰者,甚至溫和伊斯蘭信仰者。

鐘萬學出任雅加達首長兩年後的確令雅加達改變唔少,特別係基層生活,勤力打貪亦成為佢嘅標誌,但都有唔少衝住佢而嚟嘅反對聲音,鐘萬學身為雅加達首長都有處理雅加達足球隊Persija Jakarta(佩斯查)嘅問題,不過言論就惹起部分球迷''The Jakmania''不滿,因為鐘萬學曾建議摺咗亂笠笠嘅佩斯查搞隊新嘅雅加達足球隊,畀部分''The Jakmania ''批評唔知咩叫球會歷史及唔識足球扮識,而上年佩斯查對斯里維加亞嘅球迷騷亂鐘萬學亦批評部分''The Jakmania''影響佩斯查聲譽,仲話應該要重罰犯事者同支持警方,不過諷刺嘅係警方正正係佩斯查對斯里維加亞球迷騷亂嘅源頭。

似乎印尼國內華媒同海外華媒對雅加達局勢睇法唔同,海外華媒比較關注宗教自由同會否又發生排華,國內華媒就認為伊斯蘭保守派只係少數,大多伊斯蘭信仰者都係熱愛和平,今日唔會咁易排華,除非印尼經濟崩潰同政變。而我就比較相信印尼國內華媒,因為佢哋無時無刻都喺印尼,一定畀海外華媒更明白局勢,而海外華媒好多加插自己感受落去,令到件事扭曲晒,最令人啼笑皆非,就係有海外華媒形容所有印尼華人都以鐘萬學為光榮,但事實有部分華人好憎鐘萬學,因為鐘萬學勤力打貪,阻止一班貪污擋食飯嘅華人發達,當影響飯碗,華人都會仇視返華人,內鬥是華人的美德啊。

廣告