立即捐款

鍾劍華

理大應用社會科學系助理教授/理大社會政策研究中心主任 網誌

政經

想像一下到時有邊個幫佢寫求情信

想像一下到時有邊個幫佢寫求情信
廣告

廣告

白宮發言人?張志剛?抑或係私煙?

林鄭月娥或者都會。到時佢封信可能會話,當梁振英被退選之後,思歪第一時間通知佢,叫佢準備參選。所以覺得思歪好無私,也全心全意要搞衰香港。意志堅定,此志不渝。

或者向太都會。封信可能話:思歪一向尊重幫會嘅自主性,致力協助門生開拓活動空間。去到天水圍出席居民大會,都要搵江湖人士的門生睇場,打示威者無需出動警察,有效減少警民衝突。佢未上任已經安排馬仔同上海食飯,證明推動幫會嘅發展,一直都係思歪施政嘅重中之重。也說明佢對香港社會進一步走向墮落,有着難以磨滅的重大貢獻。

波叔一定走唔甩。佢封信一定會咁講:思歪對官員嘅問責精神作出了突破性的發展。所以雖然波叔喺新發展區炒地皮,以前又搞劏房,海外又有大量離岸公司避稅及隱藏收入,上任之後又酒後駕駛兼亂咁cut線,思歪仍然捧佢做發展局長,甚至臨走都要俾個財政司長位益吓佢。證明思歪為人憐材,有江湖義氣。值得所有世界仔古惑仔信頼。

唔得掂就更加要寫啦!理由唔使多講啦。思歪推動弱能人士嘅福利及就業可謂不遺餘力,甚至不惜將特區嘅管治團隊變成庇護工場,不但造福教育界,仲推旅遊業及飲食業嘅發展添(註:唔得掂講嘢周時都唔清唔楚,大家有怪莫怪,其實應該見怪不怪。佢嘅真正意思係思歪推動咗日本嘅旅遊業同埋日本放題飲食業嘅發展)。

除此之外,相信一定仲有好多,大家繼續自己諗啦!

廣告