體育

艾辛及高爾加盟萬隆,萬隆目標場均5萬人?

廣告
艾辛及高爾加盟萬隆,萬隆目標場均5萬人?

廣告

前英格蘭國腳 Carlton Cole(高爾)正式加盟印尼豪門 Persib Bandung(萬隆)成為今日東南亞足壇最火爆嘅新聞,呢位前鋒效力過車路士、阿士東維拉、韋斯咸等英格蘭著名球會,不過近年轉戰美國失利,已有一段時間冇班落,所以有球迷懷疑佢嘅狀況仲可唔可以繼續踢職業賽。

但就算踢唔掂都冇所謂,萬隆重金請艾辛及高爾嚟其中目的係想拓展市場,萬隆係印尼有最多支持者之一嘅球會,Facebook 官方 Page 係印尼球會內最多人讚好,有接近1000萬讚好,不過平均入場人數唔算非常高,最高係2013年有21,405人,上季只有17,478人,雖然比 JDT、武里南都高,不過萬隆一方認為市場潛力可以更旺,所以大曬金錢購入兩位前車路士球員,希望以球星吸引更多球迷入場。

萬隆隊官方 Facebook 經常輕易取得幾萬 Like,但近年萬隆隊好難再場場吸引幾萬人入場,所以只好靠球星效應幫手,初步希望場均5萬人,唔理係咪大想頭,萬隆隊已經贏晒,最少艾辛及高爾為佢哋帶嚟名氣,睇睇香港鍵盤界平時可能只有我先會以印尼足球作主角,現時起碼有其他作者因為艾辛及高爾去印尼搵食而寫介紹印尼足球嘅文,對成個印尼足球都有好處,終於有一單衝出國際嘅印尼足球新聞唔係同暴力、貪腐有關。

廣告