體育

馬其頓小國腳:什麼是世界級知名球員?他們是誰?

廣告
馬其頓小國腳:什麼是世界級知名球員?他們是誰?

廣告

印尼 Liga 1(甲組聯賽)新增「世界級知名球員」名額後暫時有兩支球隊引入共三位前英超球員,而知名球員登陸印尼其他普通外援自然大眾被忽視,今年簽約 Gresik United(錦石聯)嘅馬其頓中堅 Goran Ganchev 接受 indonesia goal.com訪問就表示完全唔怕世界級知名球員,因為佢相信有能力嘅呢三位球員絕對會選擇歐洲國家作為職業舞台,而非去到亞洲水平一般嘅印尼。

Goran Ganchev話:「我很少看到他們的比賽,因為他們不是我的偶像球員。但我相信,我能夠踢好自己的比賽。」(indonesia goal.com)

「什麼是世界級知名球員?他們是誰?我聽說,他們來到這裡,也與他們能力問題有關。因為,如果他們質量仍然是好,當然他們還是選擇歐洲作為職業生涯。我覺得現在他們能力可能是和我一樣。」(indonesia goal.com)

呢位馬其頓小國腳非常有信心認為呢三位過氣球星只係得個名,事實上現時能力方面 Goran Ganchev 可能唔會差過呢三位過氣球星,但知名度方面就差得遠,Goran Ganchev 職業生涯大多喺馬其頓及波斯尼亞落班,短暫逗留克羅地亞後就去到印尼落班,雖然能力得到印尼足壇大多人士認可,但世界級知名球員作用並非比賽能力,而係名氣為球隊帶來嘅著數,好似艾辛及高爾加盟萬隆後就令萬隆成功搵到14個贊助商,而兩位到來亦令球迷更加瘋狂,操練都有過千球迷圍觀,預計今年球市會非常火爆。

Goran Ganchev 及艾辛&高爾係同人唔同命,Goran Ganchev 及艾辛&高爾都係喺歐洲踢開,不過分別就係兩個踢英超一個踢馬甲,兩個都踢車路士,一個踢拉博特尼基,你問下有幾多人唔 google 知唔知拉博特尼基係乜?

廣告