立即捐款

陳樹暉

民陣副召集人、警權組召集人,學聯前秘書長,嶺大哲學系畢業,大二開始讀社會學。大一上系會,大二學生會,大三學聯,大學生活就是上莊。閒時喜歡聽張懸和 Pink Floyd,最愛留在家中昏睡。 網誌

社運

又無群眾又無權力叫人「和解」?

又無群眾又無權力叫人「和解」?
廣告

廣告

題為編輯所擬。

形勢比人弱,講「和解」其實是求和表忠,「和解」只是美化後的大話,迷惑大眾、取信極權。

無運動基礎下提出與獨裁政府「和解」,消減群眾運動,就只剩下「議會抗爭」,但係議席唔夠人多、《基本法》早已設框、又不敢動搖《基本法》,所謂改變行政立法關係、「和解」其實就係乞求對方俾下面。

你又冇群眾,又冇權力,只有「選民」,咁就可以令對方俾下面?傻撚左?

對曾俊華你又和解,對林鄭你又和解,其實講到尾泛民只想重返689前的政治秩序(對某些人來說,無本土、無獨派、無熱血、無朱凱廸的世界真係好美好),甚至係英殖時秩序,大家與親北京的都有餅分,議會就開飯局解決;地區民生就希望民政專員俾面大家,齊齊有野攞下「成功爭取」。

先唔講而家有四個議員正被 DQ、兩位已被DQ、一班人冇得選等等,未來政治討論的光譜已不斷收窄,大佬們憑咩可以代香港人,特別係弱小者吹和風?橫洲村民有條件「和解」嗎?一大堆土地變賣、基建工程可以點「和解」?北京會收手嗎?
如果說要某黨某領袖的言論要謹慎,沒有個人身份等「溫馨提示」,不如警剔「和解」背後的真正目的和危險。

喂呀哥,成個小圈子選舉期仲未玩夠?完啦好嗎。

廣告