立即捐款

我們的獨家邨邨民

隨著經濟發展,傳統小店買少見少。 要改變社會生態和消費模式,並非依賴小部份人做很偉大的事,而是大部份人做渺小的事。 改變,由自己做起! Let's get involved to make a small difference! 社區小店導賞:https://www.facebook.com/ouruniquev/ 網誌

生活

餅,全部都係餅—訪傳統餅店均香

餅,全部都係餅—訪傳統餅店均香
廣告

廣告

餅,我們諗起曲奇餅,諗起被遊客炒貴咗嘅曲奇餅;餅,又令人聯想起「老餅」,諗起人口老化問題日益嚴重嘅香港。彷彿炒賣係我哋嘅核心價值,彷彿呢個老去嘅城市唔再吸引......但今日要講嘅仍然係餅,一間歷史悠久但唔老嘅懷舊餅店——均香餅店。

遠就唔遠,但你估唔到碩果僅存嘅傳統餅店大隱隱於石硤尾,街坊買餅就唔洗周圍走。你會諗餅店點會碩果僅存?無錯,店主吳先生賣嘅唔係普通餅,而係嫁女餅、嚤囉酥,仲有光酥餅,都係坊間少見嘅舊式餅點,全部人手製造,天天出爐。

FullSizeRender

吳先生入行四十年,後生時跟同鄉拜師學藝,先學整嫁女餅,再慢慢學整嚤囉酥、光酥餅等餅點。其後開餅店,每日等唔切太陽出嚟就開工,拎起六斤重嘅焗盆出入焗爐,吳先生身壯力健、滿頭黑髮,如果佢唔比身分證你睇,比你目測都只係覺得佢岩岩廿五歲。六十歲?Unbelievable!

目前餅店由佢同太太經營,由日出做到日落,再由日落做到日出。訪問當日,小記九點幾到達餅店,餅店不斷有街坊嚟抖涼傾偈,唱唱「涼風無信,均香有餅......」吳太太提到農曆新年前夕,街坊仲會嚟鋪頭幫佢哋手整油角(又叫「角仔」)。咁多年,吳太太最深刻就係細個拖住媽媽手嚟買餅嘅小朋友,而家長大成人,又帶番自己仔女嚟幫襯,你會發現原來兒時回憶係可以傳承!

IMG_6290

吳先生憶述當年菠蘿包賣三毫一個,而家就十蚊三個,同時慨嘆無新人入行,難請師傅。曾有同鄉介紹一位後生仔學師,吳生和吳太視如己出,傾囊相授,教佢製作各式餅點,徒弟去旅行時更送佢大利是,等他多個錢旁身。可惜,徒弟學師一年後就要孤身走佢路。不過就算徒弟離去,吳太依然祝福佢,仲話「最緊要你開心!」。吳太個女打算繼承家業,吳太擔心女兒吃不了苦。吳生寄語時下後生仔要多操練自己,「最緊要肯捱!」,又歡迎後生仔到餅店學師,只要不怕熱、肯捱及肯學就可以!

石硤尾其實仲有大量特色小店,四月尾嘅星期六、日,比個機會自己知多少少社區嘅人同事物,參加社區導賞團接觸下人情小店啦!

報名及詳情

我們的獨家邨Facebook page

IMG_6291

IMG_6335

廣告