不知大家還記得有個叫阿叻的藝人？他其實便是香港的寫照。除了成日牙擦擦，搞氣氛，識得人多之外，阿叻仲有乜叻？相信無乜人知，但係佢就係香港娛樂圈混左幾十年，CCTVB有乜大騷仲揾緊佢撐場，妳／你吹佢唔脹。
所以曾瑞明博士在《「叻者生存」的教育制度，令香港變好了嗎？》裡說：「我們的教育，上至大學、下至小學，幼稚園，都是培養所謂『叻人』，或者覺得自己叻的人。就算讀哲學，都是以那些辯論很叻、理論很勁為炫耀。至於對人的理解、同情、尊重、欣賞和設身處地，則全是『冇分加』的。」其實相當諷刺。
因為，香港最吃得開的，甚至不是學業成績頂呱呱的叻人，有真材實學而唔識做人，環境未至於好差，但一定唔夠世界仔咁多世界撈。出黎行就緊要有社會資本，即係搞關係搞得好，除了有後台撐做事順利得多，有乜內幕消息，或幫下老細鋪橋搭路，從中取利，已經好過人日日七十一咁搏殺爭上位多多聲。所以呢，咪笑工聯會開班教人玩辦公室政治，保障權益最好的方法不是團結起來對抗無良僱主，而是識做人，識玩野，識企位，做漁人在鷸蚌相爭時撈最多油水。
香港近年民間積怨甚多，土地問題、中共打壓和689集團濫權固然是重要原因，但對好多政治冷感的人來說，不滿可能緣自無位上，做唔到超級連繫人姐，連過去的筍工Ibanker都專請官二代富二代，白手興家——除了極少數運氣和能力俱佳的人——還有多少人敢諗？譚仔的十億神話過去也絕無僅有，何況現在？