尋晚印尼甲組大戰佩斯查主場對阿雷馬嘅比賽吸引接近3萬人入場，創出球隊今季入場人數新高，最終以2比0擊敗以全印班出戰嘅阿雷馬暫別頹勢，兩方球迷一向關係友好，大家一同唱歌互相問候並冇肢體衝突，反而有少量佩斯查球迷與在場警員開拖，懷疑有球迷喺過程中誤損提供直播嘅訊號車而令直播中斷，所以話入場睇波永遠最好，雖然話球場內有一定危險性，但最少睇到晒場波，選擇睇直播嘅只能轉台了。
今次直播訊號中斷懷疑他人暴行導致，所以冇乜收睇直播嘅球迷喺網上對電視台抱怨，反而集中討論直播中斷後鏡頭影住直播室時嘅情況，今年印尼電視台TV One大部分時間喺直播室都會起用兩皇一后嘅組合，通常兩皇都係兩位專業講波佬，另外一位女嘅就問問題同接觀眾電話，但由於部分可能對足球認識唔深而遭受觀眾批評，雖然話睇足球男人多過女人，有個靚女棟喺到可能緩和到氣氛，始終男人多數鐘意望靚女，不過有部分觀眾寧願用三個講波佬都唔想見到個九唔搭八嘅“花瓶”問埋啲低能問題，呢批觀眾認為更須要專業分析多過靚女。
而每次配搭嘅靚女都未必相同，但有一個共通點，就係靚過維園見到嗰班姐姐，上得電視當然相貌要有返咁上下啦，好多都係混血兒，事實上主體民族爪哇族喺相貌方面係冇混血兒咁吸引，所以睇印尼嘅電視節目從來唔夠真實，因為女主持同演員多數起用混血兒或華人，而香港見到嗰班係比較近貼現實，因為爪哇人佔大多數，特別喺爪哇島。
爪哇女人都係有啲幾靚女，但香港好難見得到，因為相貌較好嘅爪哇女人多數會被印尼當局拒絕批准去香港做家務助理，我喺印尼見過有身材非常好嘅爪哇女人，雖然皮膚較黑相貌又冇混血兒咁吸引，但絕對係靚女一個，若果此類女子大量進軍香港將會有大量家庭會面臨關係破裂。