生活

我唔想聽呀!

廣告
我唔想聽呀!

廣告

我有Line有What's app有FB Messenger,無論哪一樣,無論目的如何,我非常非常非常不喜歡收到Voice Message。

大家要明白,這類App的Voice Message,並不跟電話留言一樣,因為電話留言是有人找不到你,然後飛去留言,然後有什麼說話就講低。

電話留言,你是需要打電話,打通才可以聽到,通常若果是手提的話,你講電話就要囉起電話或者插住head set,一切理所當然。

但App的Voice message呢?當我在辦公室,將電話mute左,收到Voice message是很麻煩的:因為iPhone好鬼叻,你一按就出聲直至佢感受到你將電話放近耳邊,就從耳邊接收。

除非,你去插個耳筒聽啦!但由於我用藍芽耳筒,番到公司已經disconnected,咁我係咪要聽你既Voice message然後再接駁呢?

我曾經問有位好鍾意send voice message既朋友點解呢?佢話:方便嘛,唔想打字。但我聽就麻煩,咁方便你,麻煩我,又點計呢?

仲有,其實唔想打字,不如你打黎丫,電話其實用黎講架。

係呀係呀,有說話留Voice message比起打字傳神丫嘛,我明。所以一次半次我會接受。另外,若果係小朋友的話,我都會接受。

有朋友話,老人家好鍾意用Voice Message,好好彩,呢方面父母都絕對無呢個習慣,亦明白通訊App應該係打字而唔係Voice Message,雖然佢地都會喜歡開心share片呀link呀之類。

若果各大通訊Apps能夠提供拒絕接收Voice message呢個選項我是舉腳贊成的。各位好友,幫幫忙,至少唔該唔好於上班時間傳來Voice message,因為呢個我九成唔會聽,亦唔願聽的。

原文刊在此
三十過後一個人住 Facebook 專頁

廣告