政經

非常手段才能提高「中國人」身份認同

廣告
非常手段才能提高「中國人」身份認同

廣告

圖片來源
攝:Alex Leung

林鄭月娥今日突然話,應該在幼兒階段就開始培養「我是中國人」的概念。

同一日,就有民調結果顯示,18至20歲的年輕港人僅3%認同中國人身份。

即係咁,愛美係人的天性,等於呢排Facebook日日咁多Double May(自己諗個諧音),點解呢?點解想ADD你的假Account全部都偷張樣靚身裁正嘅女仔相做Profile Pic?因為九成九嘅男人都鍾意樣靚身裁正嘅女仔(剩番嗰啲鍾意男仔),這就是DNA(當然要不要同佢一齊就是另一個問題,等於好鍾意英國係咪要去嗰度生活係另一回事)。

一美一醜放在面前,選擇美那邊是難以改變的基因。即使你從幼兒階段同個細路講,「中國人」點咁好,但當佢哋有機會見到真正嘅「中國人」,例如大媽,同啲「非中國人」一比,很自然便忘了老師教導了。

毛主席說:龍生龍,鳳生鳳,老鼠生兒會打洞。要解決呢個問題,都係要從基因改變。第一招,任何香港人及其家屬擁有外國護照,特別是英籍(香港人特別戀英),應立即強制進行結紮手術,因為他們身為高等華人,所生子女,基因是無可改變的了。這些人必須絕育,即使官高如特首,也要遵從。

第二招,採取「北韓模式」,由黨即時宣布,一國兩制將會維持,但兩制變成「有資本主義特色的社會主義制度」以及「北韓社會主義制度」,後者在香港落實。香港立即自我封鎖,不准再自由上網,不可享有言論自由,以免年輕人接觸美好的一面,突顯了「中國人」之醜。向外資宣布:「我們國家強大了,不需要你們,『主體思想』萬歲。」然後將所有在港外國人遣返,三日後佢哋會好似個美國大學生咁,突然死亡。以此足證中國「天威難犯」,唔使洗腦都會愛國。

須知道,年輕人對中國人的身份認同已跌到二十年新低,相信比九七前還要低(如果當時有類似調查),但過去廿年又要升旗又要播國歌又搞咁多嘢,都搞成咁,就一定係基因作崇。非常時期非常手段,望林鄭加快落實以上建議。

廣告