體育

假如《東x西望》訪問尼馬,情況會係點?

廣告
假如《東x西望》訪問尼馬,情況會係點?

廣告

唔恨美:「尼馬,你終於離開咗巴塞啦喎,有咩感受呢?嚟緊有咁大筆錢,諗住點使?而你嘅離開令所向披靡嘅M.S.N組合拆夥,你依家心情係點樣?會唔會覺得對唔住美斯同蘇亞雷斯?」

尼馬:「Er......人各有志,冇話對唔對住,大家唔踢同一隊,但依然係好朋友,況且M.S.N,都係名嚟嘅啫。」

旁白一蚊雞祖:「PSG 成功覓得心頭好,但因為標價太高而被球迷聲討,我哋主持人恨美致電PSG管理層傾咗幾句。」

唔恨美:「PSG,恭喜你哋成功以破世界紀錄成功收購尼馬,擔唔擔心之後冇晒錢使?」

PSG:「錢唔使,咁要嚟做咩?」

唔恨美:「有球迷因為呢件事揶揄你哋做P$G,你點睇呢?」

PSG:「PSG 定 P$G,都係名嚟嘅啫。」

一蚊雞祖:坊間有不滿聲音,茅頭直指歐洲足協其FFP原則形同虛假,唔通收購尼馬一事,真係有違反到財政公平競爭原則?有見及此,我哋曾打去歐洲足協詢問,但一直未有人接聽,我哋轉而搵嚟喺公平方面甚有權威嘅獎門人為我哋講解一下。

唔恨美:「有球迷不滿歐洲足協提出嘅財政公平競爭原則(簡稱:FFP)形同虛設,究係係唔係唔公平呢?」

獎門人:「一買一賣,係交易之道,無甚不公,我份人最公平,乜都打和Super 就最好,咁一買一賣,都係公平呀。」

唔恨美:「咁你點睇FFP?」

獎門人:「FFP,就好似我個朵咁,都係名嚟嘅啫。」

係呀,名嚟嘅啫……

足球說故事 Facebook Page

廣告