幾日前，有新聞報導有人喺北區落個街踩單車誤入中國大陸漫遊網絡，其後被3香港收取達萬元嘅電話費，的確目前喺香港都會有機會誤中漫遊情況，除左喺北區之外，喺大嶼山都有機會誤中漫遊，但係只要留意下手機嘅設定，就唔會中伏。
iPhone 用家可以去設定＞流動網絡＞流動數據選項中關閉數據漫遊就可
Android用家則去設定＞流動網絡中關閉數據漫遊就可
當然喺每次更新同埋換過Sim卡後麻就睇下有無開左呢個設定，另外驚長輩唔小心開左的話，可以要求電訊公司關閉該設定，只要做齊就唔會收到天價電話單嘅出現。邊境地區收到中國大陸嘅訊號，據小弟了解住邊境地區嘅居民會使用一卡兩號電話卡避免呢個問題出現，不過我地住在城市嘅人而言，搞好手機設定已經足夠了。
假若收到天價帳單後，首先要確認自己係咪的確身在境內（西九嗰D我都唔知點講好），即時向電訊公司查詢，過程記得記得好聲好氣咁同CS講清楚，一時大媽上身未必解決到問題，好多時都會欲免漫遊費或只收到當日漫遊數據通行證的費用，每間有唔同嘅做法，但只要堅持住自己嘅理據已經足夠，當然要記得做好設定吧。