媒體

Facebook帳戶十周年

廣告
Facebook帳戶十周年

廣告

今日FACEBOOK彈個POST出來,話我知,今日原來係我JOIN FB的十周年。

不過FB早已不是十年前般,現在商業味濃,我的Friend List雖然接近上限,但睇來睇去都係嗰堆,因為FB幫我揀了。唔賣廣告想好似十年前咁,慢慢累積讀者,已變得十分難。我也明白,商業原則就係咁,頭五年畀你任用,其實係不斷幫佢測試及畀數據佢,羽翼漸豐,慢慢雄霸天下,便成為難以板倒的霸權。

Web 2.0的概念,最初是以BLOG流行起來,我也是那個時候開始寫BLOG。那時坊間常說,普通人可以用web 2.0打破財團的壟斷,讓小眾聲音得以浮面,讓大眾的視野變得廣闊,不再給大傳媒大機構壟斷了說法。這個說法在最初十分能反映現實,但十多年後,經過一輪Web 2.0的戰國時代,我們不又是墮入Facebook的獨大嗎?我們原來可以開得更闊的視野,又給壟斷的媒體自動替你縮窄,廣告的密度(sponsored posts)開始多得令人煩厭,好像幾個因為欣賞其作風而LIKE了的作家和媽媽,近日不斷彈sponsored posts給我看,令人很有UNLIKE的衝動。

今天,FB在全球已有廿億用戶,而且還擁有instagram和whatsapp,已是一個全球最大媒體,多於一間科技公司,要挑戰佢,近乎不可能,Facebook的衰亡,相信要等下一個範式革命來臨才能看到,一如當日的Yahoo無法跨越Web 2.0的革命。

我有被FB無理封戶的前科,這個帳戶能過渡十年,實非順風順水。隨着FB雄霸全球,除了我們這些「FB老嘢」,是不是只會越來越多具商業價值的食玩買內容出現呢?這個帳戶還可以多撐十年嗎?真箇誰也不曉得。

廣告