社運

點解共產黨的主張(曾經)咁有吸引力

廣告
點解共產黨的主張(曾經)咁有吸引力

廣告

圖片來源

因為佢哋開始時高舉的目標,就是要「打倒那些殺人不見血,唔當人係人,只當人係生產資料,將人物化、器具化,只追求自身利益最大化,毫無良知的資本家」。全部要括住,因為…大家應該明。

不過,一旦自己坐了江山,梗係唔同玩法。自己重腐敗過D殺人不見血的資本家。講到殺人?見血又得,不見血又得。用槍又得,用刀又得,用群眾,用監獄都得。某位 Funking Chinese 大狀話齋,共產黨「要槍有槍,要炮有炮,要法律有法律」,邊夠佢玩。最新發展,可能連釘書機都得!你哋話幾利害。

在香港,更加唔洗講啦!

香港所見,代表工商界利益的先要被保護,因為佢哋首先擁護共產黨。記唔記得喬曉陽當年在香港公開講,所謂一國兩制,共產黨就是要「首先照顧投資者及工商界的利益」。

所以,自由黨,經民聯這些代表資本利益的政黨才肯定是建制派。當然,願意出賣勞工利益,例如在取消集體談判權上投贊成票的民建聯,或在數夠票通過就玩棄權的工聯會,都是在曲線服務資本家了!肯定係自己人啦。

所以,工商界支持共產黨,又有共產黨支持,作為建制派嘅工商界,殺人唔見血又點?依家擺到明就係「唔當人係人,只當人係生產資料,將人物化、器具化」。共產黨都唔會再反對!共產黨重去得盡!

依佢哋嘅思維邏輯,俾得人工你,做死你都係天經地義!標準工時?簡直係痴心妄想。更何況係過嚟搵港銀,注定係要寄人籬下的外地家傭。在某些僱主眼中,佢哋根本同奴隸冇分別。

開冷氣?知唔知會增加僱主成本,影響香港的競爭力,打擊香港的經濟發展,甚至係破壞一國兩制,跟住重可能影響埋國家安全。熱鬼死你又如何?再嘈,搵釘書機同佢哋身上編織十字架,反正佢哋唔係多數信天主咩!

廣告