社運

記一地兩檢街站——唔好搞亂香港?

廣告
記一地兩檢街站——唔好搞亂香港?

廣告

前晚長沙灣反對一地兩檢街站,短短1個半小時,遇到不少街坊來罵,按比例,比起以前各種主題的街站,都要高。

首先,有些街坊似乎認定了「街站和開咪」 就是搞事,很多人一經過已向我投以厭惡眼光,也許他們仍未看清楚我在做甚麼,已經細細聲埋怨「又有人搞事!」有些人是親身過來罵我的:「好心你班人唔好搞亂香港啦」,旁邊有人附和「係呀!」

有位女士前來,大聲說「香港本來就係中國嘅,(一地兩檢)有咩問題呀,你唔好妖言惑眾呀!」我解釋不應該在西九站放棄司法管轄權,但她似乎不願聽我講解,繼續說「回歸咗之後香港不知幾好呀」。

另一位男士又以相若理由來罵我,「你講野不盡不實呀,高鐵不知幾方便,行大陸法律有咩問題呀!?」我解釋香港是實行一國兩制,大陸法律不適用於香港,但他更激動地說「基本法遲早都無架啦,香港遲早都係大陸架啦,大陸有咩唔好,香港夠有鉛水啦.......」實在,很難心平氣和地討論,這位男士大罵一輪後就氣沖沖走了,結尾一句當然是常聽到的「你咁唔鍾意咪移民lor!」

一整晚聽了不少咒罵,其實都是來來去去幾句「搞亂香港」之類,可惜街坊不予我機會作更多解釋,我想指出一個邏輯上的問題,他們口中「回歸後香港不知幾好」,其實是因為一國兩制的「兩制」,香港得以保留原有制度包括司法,試想像,如果主權移交後,直接一國一制,整套大陸法律搬來,不知道街坊是否還說得出「大陸法律有咩問題呀」。另外,街坊不喜歡我們街站,原因亦可能是「未燒到佢地個疊」,這20年來的變形走樣未直接影響到他們生活,(其實有的,樓價物價領展等),也許,要目睹過甚至經歷過不公義之事,才會感受到一地兩檢的威脅?

想起為公義而入獄的義士,我們在街上派單張,被罵兩句,其實不算甚麼。街站日程繼續是排滿的,這是一場民意戰,不放棄面對各樣立場的街坊,希望他們明白,大家就是想維護「香港不知幾好」,不想這個家逐步淪陷。

廣告