富者田連阡陌，貧無立椎之地，香港土地壟斷同分配問題大家都知道已經好嚴重。近日林鄭政府委任一堆已經有哂立場傾向嘅「專家」小組，將會好快咁主導咗個「大辯論」方向，唔講土地壟斷、分配同霸權問題，只想轉移視線講「搵地」，依家就連郊野公園、自給自足水塘都好危危乎，可預見未來大家嘅居住環境都唔會見得好過。
喺土地問題上，公眾一直需要掌握更多土地資料、數據同實況，先識得自己定出真係解決土地問題嘅方法，唔會俾政府操縱咗個討論。唔係嘅話最後又係借啲意益咗啲既得土地利益，浪費同破壞咗啲珍貴土地，住屋問題只會一直惡化落去。
本土研究社希望大家可以一齊支持我地一個民間土地研究計劃，現公開徵集500位有心人每人$500，我地就已經有足夠資源推動一個全面嘅民間土地研究。呢個研究計劃我地想做以下五樣重要事：
1.【好多野爆】全面搜查各類隱藏地、棕地、富豪地、閒置地、丁屋地、批租地等，檢視土地使用狀態；（$70,000）
2.【好野共享】打破政府土地資料操縱壟斷，建立民間公開土地資料庫；（$50,000）
3.【好鬼陰濕】持續跟進調查政府及土地專責小組建議的實質問題，如發展人口估算、填水塘、開發郊野、幫地產商釋放囤地等；（$30,000）
4.【好強火力】推進社會認知，引起廣泛公共討論及製作資料及報告出版 （$70,000）
5.【好嘅政策】研究土地發展優次政策方向，比較哪些優先、次要、保留等；（$30,000）
本土研究社民間土地研究大籌旗詳情：
眾籌單位：本土研究社
研究時期：18個月
總計開支：$25萬
本研贈品：自家製「搞乜郊野」T-shirt一件（限量製作）
參與方法：以PayPal／信用卡／銀行轉帳／支票形式參與眾籌，將捐款紀錄、姓名及聯絡方法轉給 [email protected]或Facebook Page，以便通知贈品詳情。
今次個研究需要好多人手、查冊、活動、發佈、印刷、製圖、考察、設計、技術等研究開支，冇大家嘅支持實在難以成事。我地本土研究社嘅民間研究一直冇財團金主，全部都係靠民間有心人小額撐著，希望今次大家可以幫幫手，抗衡依家政府委任個個土地專責小組既偏頗立場，同埋監督各種官商勾結同土地利益，建立一個對應到依家土地房屋問題既永續發展方向。
立即支持本土研究社民間土地研究工作 (PayPal或信用卡)
歡迎直接轉帳或以支票形式，傳至以下本土研究社的銀行帳戶：
收款銀行：匯豐銀行 HSBC
收款戶口：640-198305-001
戶口名稱：Liber Research Community (HK) Company Limited
地址：灣仔軒尼詩道365號富德樓2樓