生活

消失的傳統(一)鬼門關大開,解穢酒同英雄宴你識分嗎

廣告
消失的傳統(一)鬼門關大開,解穢酒同英雄宴你識分嗎

廣告

喇!咁啱係七月,鬼門關大開,就由解穢酒講起啦!每逢喪事中國習俗都會有解穢酒或英雄宴,解穢故明思意就係解除ㄧ切污穢之事的意思﹐通常還在守孝期間就會食解穢酒,而當中最正統的菜式,全是齋,但必定有冬瓜和豆腐,所以成日啲人用嗰句(有乜冬瓜豆腐)都係形容唔好嘅事!
  
而解穢酒就必定是七餸一糖水,因為先人都以七計算,頭七、三七、七七、四十九日之後就守孝期滿,而每一個七都會做法事,而且都會食解穢飯!但有一樣要提下,通常解穢酒第一道菜是先上甜品的,從甜食到咸,為何倒轉上甜品先?是寓意先人留福給後人。
  
而解穢酒和英雄宴又有何分別呢?同是喪事宴!首先英雄兩字其實是應用「纓紅」這兩字才對,纓紅宴是代表守孝期滿,以脱孝所請親朋所吃的飯,就叫纓紅宴,因脱孝時主家會派利是,利是裡會有2元及扁柏紅繩,以示孝事已完!而菜式方面通常是八餸ㄧ糖水,而糖水亦是先上,但纓红宴八餸當中必定有肉,例如燒肉、雞、魚必定有,但大家要留意一點,燒肉不會是乳豬,因為是親人離世,而雞和魚必定去尾,寓意先人不再掛心後人,安心往生,不留尾!
  
但現在好像沒有太多人了解纓紅宴和解穢酒的分別,更冇人會先上糖水後上菜了!
  
P.S. 曾經有條o靚仔唔識,竟然解穢酒用了萬壽無彊碟上菜,主人家嘈到拆天,差點唔俾錢!

延伸閱讀:
消失的傳統(二)月滿薑醋不出門 幸福伊麵不能斷

廣告