政經

【新聞解毒短打】唉,到底依家啲官可以幾離地?

廣告
【新聞解毒短打】唉,到底依家啲官可以幾離地?

廣告

【草根行動媒體】

文:好彩我仲可以住阿媽度

發展局計劃喺科學園進行貨櫃屋的先導計劃,俾科學園公司員工和研究人員住。
一試就試18層,成日講荷蘭貨櫃屋好成熟,都唔係好見佢哋有好多10幾層高喎。香港一試就試18層,唔怕出起事上黎,分分鐘變18層地獄咩……

仲要每個單位得180呎,以市值六折租金去計,都要成$8000-$10000。科學園員工和研究人員每月份糧有唔少都只係得一萬幾,點租得起?況且,差唔多大細既劏房,深水埗價位大約六七千,係就係環境惡劣,但起碼交通方便、嘢食又平又靚,唔似科學園咁荒蕪喎……到底邊個會主動去做白老鼠呢?

莫非貨櫃屋嘅陰謀就係令大家的底線再下降,覺得現時的劏房都已經唔差?!

唉,政府成日話房屋問題係因為無地、建公屋唔夠快,解決基層住屋問題就要收地、重建 ,試呢試路。其實全部都是偽命題。

講真,深水埗$6000一個劏房單位其實都好貴。如果月入一萬,房租就佔咗收入一半有多。最簡單直接惠及市民住屋需要的方法,難道不是租金管制嗎?限制租金升幅,令市民唔洗捱唔合理嘅加租,又唔洗擔心死約完了就要搵另一個平租既地方住,唔係大家都好咩?

新聞紙話

【草根行動媒體】

廣告