無論加藤友介幾努力都好，都無法拯救散沙一盤嘅GRESIK UNITED（錦石聯），錦石聯喺幾輪前宣告降班，現時印尼甲埋尾只有10分落袋，近6場全敗，6場內失29球，最近主場對PERSERU SERUI繼續受到球迷行動冷落，拒絕入場，結果比賽只有335人入場收睇，最旺盛之時，錦石聯場均1萬5千幾，Petrokimia Stadium坐滿2萬人唔難，同現時冷清清完全冇得比。
淨低比賽都係例行事，錦石聯教練團決定多派後生仔踢正選，當中少量已經肯定離隊，例如新晉國門Satria Tama，算係隊中比較出色嘅後生仔，教練Hanafi都唔撈，仲話內部太多問題，令球員動力不足。
現時球迷們都留意緊錦石聯會唔會破印尼聯賽紀錄，就係失超過100球，現時共失88球，仲有3場比賽，以球隊最近狀態睇，絕對有呢個可能性。