Welcome to the Eco (trash) Expo
「根本就唔環保，環保就唔好擺展覽啦」呢句說話，係我來來回回係環保展場地搶救回收物時，偷聽到一位拆場工人霸氣地講出呢句咁入肉既至理真言，個下我仲以為有人有讀心術read到我個mind。
每個booth既枱面都總有書仔、單張、badge、水樽等等遺留物...
唔知有幾多人知道，今日係四日環保展既最後一日。攪環保展為乜？理應活動係場內既參展商提供本地外國一系列既方法同技術去解決眼前嚴峻既空氣、水同廢物等等環境問題。我以為我會係環保展見到一線拯救地球既希望，但佢只係將我推到去絕望既深淵。
場內既參展商，係未解決或緩解目前既問題，已經再額外製造另外一大堆同樣嚴峻既環境問題，我真係睇唔通諗唔透究竟呢個係咩玩法。
去到環保展，都諗住大家做得呢行，唔多唔少都有d sense 掛，起碼知道回收物應該掉落回收箱啦...我徹徹底底地錯了
參展商：煤氣 你堆單張同後面d展版放係度做乜？
參展商：廠商會檢定中心及Hong Kong Electronic Industries Association
係完左show 之後我行左好多個圈，望住每個booth 既枱面枱底同櫃桶都有飲完或未飲哂或未飲過既樽裝水，未派完既傳單同厚厚既書仔，牆身仲有一大堆為左要展示自己環保技術而用極唔環保既物料整既展板。。。為左確保d野唔係掉而係有人收返，我係5:00完show到7:00不停羅住d膠樽書仔單張名牌來來回回，我好希望有人叫住我「喂我堆野我要架你羅去邊！」，實際上只係得我同執場工人你眼望我眼。
參展商：Environmental Contractor Management Association, Hong Kong Green Manufacturing Alliance
參展商：Marshall Cavendish Business Information (HK) Ltd.
嘩呢個參展商真係不得不highlight，帶左幾箱又重又厚既書仔同leaflet去，結果成堆放左係booth，人呢？無哂
又重又厚既書仔，我來來回回羅左兩轉去回收桶之後真係頂唔順放棄了
「攪展覽就一定係浪費架啦」，呢層我都知，所以可以避免我都盡量唔會去咩展覽咩festival 咩show,廢事挑動我每次見到個垃圾桶都想打人既暴燥情緒，但去到環保展，都諗住大家做得呢行，唔多唔少都有d sense 掛，起碼知道回收物應該掉落回收箱啦。Sorry，係完左show 之後我行左好多個圈，望住每個booth 既枱面枱底同櫃桶都有飲完或未飲哂或未飲過既樽裝水，未派完既傳單同厚厚既書仔，牆身仲有一大堆為左要展示自己環保技術而用極唔環保既物料整既展板。。。為左確保d野唔係掉而係有人收返，我係5:00完show到7:00不停羅住d膠樽書仔單張名牌來來回回，我好希望有人叫住我「喂我堆野我要架你羅去邊!」，實際上只係得我同執場工人你眼望我眼。
其實call架車羅返走d書真係咁難？羅唔走，都放去回收箱啦...清潔工咁幫你抬真係無陰公架
參展商：Eco Link Buidling Materials Limited 個兩舊磚放係度做乜？
好，到政府既代表出場 參展商：房屋署
真係俾面，為左eco expo 特登整左幾張展版，之後就係用完即棄，所有垃圾仲填滿左架660垃圾車
參展商：屋宇署 雖然無親眼見到佢被毀屍滅跡，但見到你咁樣被人扯左落黎，你都係同房署塊版同一遭遇架啦
參展商：規劃署、機電署、水務署、香港天文台
呢幾個政府部門真係要讚一讚，係其中幾個都仲係有水樽同紙皮無回收之外，其實個booth睇落都無乜垃圾，我亦都見唔到佢地既展版被人煎皮拆骨，希望佢地真係reuse返d展版，唔好令我讚錯人 (可能已經煎左，只係我miss左)
參展商：渠務署、建築署、漁農自然護理署
我無親眼見到佢地既下場，所以佢地d展版同物資status係unknown
見微知著，呢堆參展商，包括政府部門，非牟利團體，協會，商界等等，大家講到自己有幾大理想幾高理念幾咁有心幾咁想解決世界既環保問題幾咁想打救世人都好，但當我見到你連個樽都唔識羅去回收，剩低既宣傳單張刊物唔羅走不特止仲就咁"pat"低係度，你講到你識飛都無用，唔好講話解決香港環境問題，你連自己個booth 既環境問題都未處理到。OK，我明白大家當份工黎打，但你入得環保展，唔該你做戲做全套，扮下野都係咁易盡返少少責任，你就當自己想羅最佳男女主角，扮演真心想解決環境問題既勇者直到出左門口為止好唔好。
其實政府部門既booth 部門名既版係用紙皮做的，但如果無人搣走塊膠紙同羅去回收，即使用咩環保同可回收物料都係假
好，轉下眼，我地睇下外國既選手如何
參展商：中國節能
可能攤位只係集中係節能，對回收無乜研究
參展商: Kayama Kogyo Co., Ltd
Even you know there are 80% of recyclables in our trash, but you dun even do your own recycling, so what's the point of pointing it out?
austria既參展商
其實好多外國參展商都係留返哂圖中類似既物資係度，係人地地方既環保展製造一大堆廢物會唔會有d唔俾面？
參展商有責任，場地既主辦者亦都唔可以A 字膊。首先，可唔可以進步少少，唔好再印咁多場刊書仔，我見到佢地一堆二堆掉左係枱面揭都無揭過都心痛，而家21世紀，用QR code 放係攤位度等人自己"do"黎睇個攤位其實已經可以慳返好多紙。另外，大佬我行左成個場先得個兩套細到不堪同不太顯眼既回收桶，上年個展覽都有大使問下有無回收物要處理，仲心諗「有進步wor」，誰不知今年似乎無左呢個稍為進步既環保措施。攪左咁多年，大家唔係唔知參展商有幾咁「有心」掛，你唔行去主動問佢地回唔回收，佢地又點識得搵個兩套又細又放逐左係邊疆既回收桶黎回收盡自己本份？
參展商：中華進出口商品交易會
知你威威，有專用礦泉水同紙杯，但係用都唔用就掉左佢係做咩事？
參展商: Dongguan Zhuowei Purification Technology Co., Ltd
呢個booth我是真正的睇唔通望唔透，展品sample都係哂度，但7點都唔見人，究竟佢地會唔會返黎？
好，轉個頭一望，去start up zone度睇下，照計初創企業，應該未係搵好多住，都會慳d洗掛，誰不知，又俾我見到一大堆一大堆既leaflet做左辜兒仔
參展商：Ultra Low Asia, 大地再生環保科技
參展商：木一番，Blue Inno Water Co., Ltd
見到連佢都放低哂D leaflet係度....
參展商有責任，場地既主辦者亦都唔可以A 字膊。首先，可唔可以進步少少，唔好再印咁多場刊書仔，我見到佢地一堆二堆掉左係枱面揭都無揭過都心痛，而家21世紀，用QR code 放係攤位度等人自己"do"黎睇個攤位其實已經可以慳返好多紙。
行勻成個場執返幾廿個badge，搵唔到佢收badge個箱，最後俾左Security，我有D擔心佢地既安危
「攪展覽攪活動一定係浪費」，其實我見到好多民間團體同活動都努力扭轉呢個咀咒，係場地提供水機等大家唔洗買水，俾大家租用餐具唔洗用即棄野，放多d 回收桶仲搵埋人協助大家回收。。。方法其實真係有好多，要做亦都唔係難，只係主辦單位同參加者有無心去做同配合，當然，額外既費用係會產生，但當呢筆錢可以為我地既堆填區續命，等到土地真係用係其他急需處理既問題，你真係要計到一分一毫？（當然預視到自己無咁長命，自己有樓唔擔心或者唔諗住生仔既人例外）
去到會場，以為佢地用回收木黎做decoration，原來只係將木紋貼紙痴左係foamboard上面....
呢張相好無奈，李樂詩分享環保訊息既台，最後淪為垃圾
即使能夠極力保護了極地，也保護不了自己的香港
攪左咁多年，大家唔係唔知參展商有幾咁「有心」掛，你唔行去主動問佢地回唔回收，佢地又點識得搵個兩套又細又放逐左係邊疆既回收桶黎回收盡自己本份？
睇黎真係無人搵到，睇下佢地幾乾淨
莫忘初衷，究竟呢個環保展為乜，你應該做d 乜，心知肚明，唔好再口講一套，做就另外十套。我對腳唔行得多幾轉，對手亦都執到爛，乖啦，自己做返好無？