體育

法國外援:印尼人對足球的熱情超乎我的想像

廣告
法國外援:印尼人對足球的熱情超乎我的想像

廣告

印尼甲組聯賽喺上星期日煞科,煞科後有啲外援選擇離開,有啲外援返到祖國後大爆印尼不快之事,將印尼形容為人間地獄,但亦有外援選擇留低,認為印尼足球之旅非常有趣。

Steven Paulle係今年印尼甲組聯賽外援之一,但佢個名好少出現喺報章上,雖然佢冇Michael Essien(艾辛)、Peter Odemwingie(奧丹維治)、Mohamed Lamine Sissoko(施素高)等轉戰印尼聯賽嘅外援球員咁大名氣,但佢喺PSM Makassar表現相當響亮,呢位法國中堅最近就入選印尼甲組聯賽最佳十一人陣容。

Steven Paulle今年31歲,身高187cm,球員生涯喺家鄉球隊AS Cannes開始,當時(2008年)AS Cannes踢緊法國全國聯賽,佢一直係球隊正選,因為表現出色,2010年畀法乙球隊Dijon FCO簽咗,初次踢職業聯賽就以正選身分幫Dijon FCO升上法甲,第一個法甲賽季有22次正選上陣,不過季尾受傷,2012年改為幫Dijon FCO二隊踢法國全國聯賽,由12年到2016年不斷喺法乙及全國聯賽出現,但傷患問題上陣機會一年少過一年,2015-16法乙球季,佢只為Dijon FCO上陣4次。

2017年,Steven Paulle決定出外發展,足球經紀介紹下去到東南亞印尼蘇拉威西島南部一個叫Makassar嘅城市,當地有一支職業球隊叫PSM Makassar,佢就係去嗰到試腳,當時佢對印尼好陌生,完全唔知印尼足球咩環境。

前段時間,法國網站ActuFoot同Steven Paulle做咗個專訪,專訪講述當PSM喺早前同峇里聯一場對冠軍好重要嘅大戰中留下深刻印象,佢話:「在比賽之前,我們在主場不敗,只有一場平局。然而,峇里聯守門員(Wawan Hendrawan)表現卻非常出色,並且成為了他生命中最好的比賽,他擊落了我們許多的機會,在過去的十幾分鐘裡,我們盡了我們所能,我們甚至錯過了最後幾秒鐘的機會!」

Steven Paulle繼續講:「之後我們的支持者很生氣,很失望,瓶子飛了20分鐘。警方進來保護球場上的球員,那些警察不得不用盾牌保護對手,我從來沒有見過這樣的事情!峇里聯的球員都必須乘坐裝甲車離開。雖然很危險,但比賽的氣氛真的很令人興奮。」

PSM Makassar喺關鍵戰上輸波,球迷反應令佢感受到印尼足球嘅激情,輸波後球隊同冠軍無望,球迷衝入球場嘗試追打客隊球員,甚至有球迷喺佢懷裡痛哭,佢喺法國咁耐從未見過有球迷對足球咁上心,佢形容印尼係佢足球生涯最美好嘅一年,佢從未踢過爭標球隊,喺印尼終於有機會嘗試。喺法國冇乜人識佢,但佢喺Makassar變成一位巨星,經常畀球迷認出要求合照。

Steven Paulle:「我很高興,因為這裡的足球熱情非常高,這是我職業生涯中第一次被大約4萬人觀看。」

廣告