性別

陶傑,你係咪癲Q左?

廣告
陶傑,你係咪癲Q左?

廣告

補充:我承認,我話呢件係「性侵」也許真係快咗,因為未審,亦可能一世唔會審。但呢件事有50%係真(一係真,一係假),我想指出是,對於任何疑似性侵個案,都應該比D同理心,有其他意見也可以好好講,而唔係用來抽水。若果事件真係的,對當事人以及其他有類似經歷的人都可以好傷。陶傑文章影響力大,他絶對可以令件事有更好和更多的討論,但在本文形式上和角度上我真係不能苟同。

你話你崇洋,但我相信英國紳士唔會搵一個被性侵的女仔來開玩笑,澳洲人天真爛漫但都知分寸,美國人直率唔會寫D咁矯揉造作既文,思想左傾既加拿大人更加唔會咁樣落井下石……

如果你覺得林鄭太敏感、太快叫一哥做野,你咪直接話佢囉。若然你認為呂麗瑤應該報警或做其他澄清,作為長輩既你,可以說之以理、動之而情,甚至PM她勸說,而唔係公開抽個細路女水,用來賺人氣呃LIKE﹗喂阿哥,唔係件件事都可以抽水架,試想佢係你親人你會點?其實佢唔報警或者咁多年後先講出口,原因係點,關注婦女性暴力協會同好多論者都講過,我唔重複。你咪學貫中西既,無理由唔知道女人要公開呢D事要幾多勇氣/承受幾多壓力,更何況,佢當年只得十幾歲?

至於文題「陶傑,你係咪癲Q左?」純粹問題來啫,畢竟我係你長期讀者,有幾本你既中、英文書,又LIKE咗你PAGE,如果你唔舒服當然希望你好好治理,香港仍需要你擋下政府既歪理。但一個女仔如果被性侵,有時可能唔係睇下醫生就OK,要衝破心理陰影真係要時間、支持和勇氣。聽講你都自覺曾被性侵喎?咁我都勸你搵社工求助,又或報警先。但可惜擁有英國老公的特首,未必會念著同鄉之情而責成一哥從速查辦了。講真,其實不論男或女都可能慘遭毒手,真係唔好以為自己係男人就可以講風涼話。

請多一點同理心。

FB Page: 「香港作家胡世君」 https://www.facebook.com/WriterKenneth
IG: writerkenneth
Email: [email protected]

廣告