立即捐款

林勉一

1997年,香港由舊殖民地變成新殖民地,但所有東西都變得更惡俗、更無賴。 網誌

生活

Fear the Walking Dead — 貫徹始終地犯(觀)眾憎

Fear the Walking Dead — 貫徹始終地犯(觀)眾憎
廣告

廣告

見有朋友講開 Fear the Walking Dead,我又講兩句。

睇番 Fear the Walking Dead嘅Fandom Wik,第一頁係跟出場時序列番晒啲唔同嘅角色同所屬家族或組織。

基本上女主角 Madison 一家就好似死神一樣,去到邊度都會害死人全家。前前後後都有十幾個家族俾佢地直接或間接害死晒。

呢個劇表面上好似好多元,故事發生在LA、墨西哥、美墨邊境、男主角 Travis 係毛里人、男主前妻係拉丁裔、最聰明同本來有錢嘅係黑人、主角一齊逃難嘅家庭係薩爾瓦多人、第二季大部份角色係墨西哥人、第三季有一半係印地安人,故事裡面嘅白人多數都係衰人。

但係睇睇下,其實真係用大陸網民講法,係高級黑(曲線)。先黑有色人種,裡面啲有色人種,大部份都係容易被煽動、迷信、唔係毒犯就係被毒犯欺壓、衝動。再黑白人至上,裡面啲白人至上主義者,又係乞人憎而且全部俾主角一家害死。而最黑得絕嘅應該係女主角一家呢種白左。女主角同佢對仔女,女主角表面上係大愛包容,但實際上全套劇最自私最搬龍門都係佢,佢就好似死神咁不斷去到邊都害死人。

不過我諗劇組係知道觀眾反感,收視差,所以去到第三季尾,要安排女主角全面黑化,搵個大反派講出晒佢最虛偽自的嘅地方。

Anyway, Fear 真係好奇惟,明明睇落 budget 似乎唔少,場面仲大過 Walking Dead 正劇,但就寫到啲觀眾一係就棄劇,裡面冇嘢係可以好似 Walking Dead 正劇咁啲角色面雖然都會做壞事,但觀眾會代入佢地內心世界,會建立到對角色感情。我見 Fear 啲外國同大陸討論板,啲人一面倒係鬧,個個都問主角團隊幾時捨得死。

本來係安排做角色成長嘅女主角對 teenager 仔女,男的係好靚仔,而且算係做得好,劇本已經安排佢做男一(本來毛里人男主角無啦啦死咗),要佢負責做番啲冇咁乞人憎嘅事,但結果佢都係要害死(其實係殺死)全劇最好人、最靚仔、佢個妹個男朋友。至於女主角個女,由第一季開始已經西面,直到第三季都係西面,開心時又西面、唔開心又西面、驚又西面、談情又西面、上床又西面、殺喪屍又西面。我初頭諗,可能佢要扮演一個18歲港女,講錯,係少女就係咁,但後來我都係發現其實佢就係來來去去嗰個表情,就係臭臉。

雖然收視唔及得 Walking Dead 正劇,但係都仲開到第四季,而且呢季仲會加入正劇俾人鬧得最勁鬧佢聖母病嘅 Morgan,呢次係第一次有正劇角色 crossover,可能係要谷番少少收視。不過,crossover 都仲要係最多人鬧嘅角色,真係貫徹 Fear 嘅特色。

Morgan 呢個角色係不死咁滯,應該唔會俾呢家人害死… 掛?

廣告