立即捐款

Momay

我係熱愛足球嘅油漆佬。 網誌

體育

營多撈麵十卜印尼足球

營多撈麵十卜印尼足球
廣告

廣告

印尼球隊阿雷馬今年揾到一條大水喉射住,就係聞名世界嘅印尼營多撈麵,尋日印尼總統盃其中一組分組賽喺阿雷馬主場上演,贊助商向球迷派發每人五包營多撈麵,可能有波睇又有麵食導致現場水洩不通,同上季阿雷馬喺聯賽某些賽事得四五千人入場冷冷清清完全唔同,有唔少球迷更係冇買飛用各種非法方式衝入場。

營多成為印尼國民食物,同佢哋生活態度有關,好多印尼打工仔一出糧冇耐就會大吃大喝,覺得人生短暫,有得開心就要開心,所以好快會山窮水盡,呢個時候價錢便宜嘅營多就成為佢哋吊命救星。

而球員當然有無限營多任食,不過有錢都唔會餐餐營多,曾幾何時我係營多奴隸,有時一日可以食十幾二十包,但食得太多太濫身體就會發現出問題,營多可如大麻,一發不可收拾,一唔食一兩日就好似煙癮發作一樣,集中力不足,影響平時工作,於是我的起心肝用最極端嘅方式戒除營多惡習,起用“一日內狂刷狂隊直到自己仆街冚家鏟”療法,朝早五包,中午八包,晚餐十二包,擋媽咪麵生食,啲汁帶出街口乾即場搣嚟擋水飲,食完唔刷牙等自己口腔充斥營多味,其他嘢唔好食,唔好飲水,第二日即時狂嘔,第三日濕疹發作,第四日生不如死,第五日出現幻覺見到呂洞賓,從此戒除營癮,現時見到阿雷馬件波衫都想嘔。

廣告