立即捐款

蕭思思

《講劇時辰到》主持,曾在香港無線電視、亞洲電視任職戲劇組助導及編導,也參與過電影幕後工作。近年在電子傳媒從事新聞工作,工餘撰寫文化類文章。 網誌

生活

點解最佳女主角、女配角罵聲四起(之二)

點解最佳女主角、女配角罵聲四起(之二)
廣告

廣告

今屆萬千星輝頒獎典禮真心講句,好睇過台慶劇,賽果出人意表、頻頻爆冷,令觀眾睇到㷫烚烚。不過,最㷫吾係第二女主角躍升為視后,而係「大小姐」林淑敏攞吾到最佳女配角,竟然爆冷由朱晨麗奪得,大家幾乎吾記得佢做個乜野角色,連佢本人對獲獎也一臉茫然!

點解網民對最佳女配角既結果反感,最主要係投票機制有造馬既機會,呢個奬同視帝視后吾同,係由評委會及大台職藝員組別投票,評委會稱由創作部和製作部幕後擔任專業評審,但透明度極低,令人猜測係部門高層負責評審,再加埋職藝員投票,不設民間投票。問題就出喺呢度,近日在《愛回家之開心速遞》熱爆既「大小姐」,網民竟然吾可以投佢一票,惟有寄望有合理既賽果。

誰知最佳女配角大熱倒灶,居然頒比最後五強最資淺既Morning 朱,林淑敏攞吾到奬令網民震驚,認為冇乜可能,輸比姚子羚或陳敏之都合理少少,所以一時接受吾到,紛紛猜測來自江蘇既朱晨麗内定得奬,加上大台背後有中資大股東,答案簡直呼之欲出。

「大小姐」攞吾到獎呢個災難性賽果,令數百網民怒插大台既FB 網頁,吾少人比個「嬲」表情,兼夾留言話要「還我大小姐」!難得有觀眾咁擁護一個藝人,大台竟然吾識反應,比如幫大小姐喺Big Big channel 搞個直播,同網民講聲多謝支持,又或者叫大小姐講下拍劇既趣事,那便打圓場沒事。問題係大台高高在上吾至在。難怪近年收視不斷下跌,最遺憾係大台同觀眾關係愈幾疏離。

廣告