立即捐款

政經

今時今日梗係支持派錢

今時今日梗係支持派錢
廣告

廣告

大家記唔記得,當年曾俊華派六千,好多人都反對,點解?因為大家覺得,政府係扮演重新分配社會資源的角色,公帑要運用得宜,公帑應該用嚟幫助有需要嘅人,應該用嚟教人捉魚而唔係派魚,幫啲人向上流動,幫香港人有更美好的生活……

咁今日呢?梗係支持派錢啦,派得越多越好。點解?乜依家個政府有扮演過以上嘅角色嗎?啲錢用喺邊呀?數一數:

- 大白象公程,幾千億幾千億咁同你揼出去,益吓啲中資咁囉。

- 用嚟養三萬個支持同僚犯法並公然大叫X你老母嘅差人及其家人,畀錢佢哋買水炮,佢哋有啲仲會用你架車做人肉路障危害你生命。

- 養啲可以DQ你排到半夜一點才投到出嚟嘅議員嘅選舉主任。

- 為一大班極盡無恥殺無赦智商受考驗兼出賣香港利益嘅立法會議員畀薪水。

- 幫教育局長畀旅費,然後佢叫你讀國民教育搞國民身份認同要認識基本法,跟住你交稅供佢哋及其他高級公務員嘅仔女出國留學。

- 供養高官等佢哋可以去打吓Golf,然後等佢哋剷平你享受開嘅郊野公園、船灣淡水湖等,再同你講Golf場係全香港人嘅你唔好郁呀。

- 供養一啲知法犯法嘅專家、司長級官員,等佢哋有錢還原僭建嘅屋企,仲幫佢「首次置業」慳返一大筆。

- 還供養很多很多守護香港嘅「瑞犬」

要數,真係一時三刻點數得晒呀?身為納稅人,根本係一毫子都唔想畀呢個政府,咁我梗係支持全民派錢,你派返六千蚊畀我有咩病痛睇吓醫生都好——留喺你政府個袋到有咩好處?醫療爆煲你都唔會理啦。

派錢啦唔該。

廣告