立即捐款

保育

曾經出現的屯門年宵特攻隊

曾經出現的屯門年宵特攻隊
廣告

廣告

2018年二月,年宵市場的最後一晚。

一行30人手繫「屯門年宵特攻隊」紅巾,於晚上11時集合在屯門天后廟牌坊下。正當年宵人流最旺,人們在等待上頭柱香、賞燈飾、買年花、買賀年裝飾的時候。那群人匆忙地分工準備清洗發泡膠,製作回收指導工具。

█ 每次大型活動繁華背後,都有一大堆被棄置的「垃圾」

隨著「10, 9, 8, 7, 6, 5, 4, 3, 2, 1 新年快樂!」的呼歡聲下,特攻隊都走到各自崗位,在垃圾桶前阻擋回收物被掉進垃圾桶內,在回收桶旁叫人正確及清潔回收,在垃圾桶內找出油膩的發泡膠和竹籤,再以茶籽粉清洗回收再造。凌晨2點半,人流漸退,特攻隊走到花炮館旁,稍作整理準備下一輪物資拯救環節,並且互相分享自己的感受。

28276693_565594273804282_5342949400807211008_o

「年宵市場好似聚集左最唔環保既人,啲人dump舊垃圾出黎好似件垃圾唔係自己既,亂咁dump,到底處理件垃圾既責任係自己定人地呢?」
「我地企係回收桶旁舉牌,真係有人問我地應該點回收手上既野」

█ 拯救物資的忙亂

凌晨3點半,檔主陸續收檔並致電特攻隊到檔內收取有用物資。與此同時,有成員到每一個檔口,逐一與檔主溝通,希望他們能響應回收行動,把物資自行運至回收角。溝通過後,有些成員留在回收角作紀錄和派發物資,有些拆鐵架,有些收帳篷,有些收年花,有些在構想花車的樣子,有些搬運其他有用物資 。

28277431_565594617137581_5871165197791526912_o

「太多野喇,我紀錄唔到」
「你地要用手抬呀? 用車仔呀嘛,真係辛苦,借我呢架比你地喇 」
「仲有10個帳篷冇人要,我地已經收左7個,仲拆唔拆落去? 有冇咁大地方暫存?」
「點解今年剩咁多帳篷冇人要架,收埋去喇!有地方暫存既」
「而家6點幾喇,要快啲係食環7點清場前收埋啲帳篷,唔係就收唔到」
「呢個範圍入面既鐵架,你地要唔要? 唔要我就成個位拉封鎖線」
「冇位放咁多鐵架,要唔到咁多」

█ 早上運送物資

早上7點多,正當大批清潔工湧至現場清場,成員都陸續將有去路的有用物資及回收物搬上車。裝滿了一輛5.5噸貨車,而現場暫無去路的有用物資,或暫存地點未能容納的物資,抱歉地只能讓食環清潔工送往堆填區。

28468702_565595537137489_2903438535371522048_o

「呢度仲有一個帳篷未上車」
「仲有位放埋發泡膠!」
「玻璃樽要放最出,因為第一個點係去友愛放玻璃樽回收」

之後,成員分道揚鑣分別將花車物資及其他有去路的有用物資運到各自的暫存點。由於跟車人數有限,有些成員另外乘坐的士,先到達暫存點。在等待途中...

「一停落黎就好眼訓喇」
「一陣一齊飲個茶先走喇」
「我唔得呀11點就要同老爺奶奶拜年」
「哇! 即係你一陣都冇得訓呀? 」

貨車到了,成員帶著青白的面孔繼續搬運物資。由於暫存點的升降機比較細小,每次不能承載太多物資。加上欠缺手推車,成員走了好幾遍才運送完成。

「搬鐵架要帶手套呀!」
「一件一件黎,唔好貪快」

終於,早上9點,屯門年宵特攻隊完成了2018年的年宵物資拯救行動。

真的,新年快樂!

#忘了大合照
#希望冇下年
#惜物減廢

28279980_565595620470814_6174289159021133824_o

※小記※

今次,屯們誌 聯同 清山塾 Casphalt及青年夢工場化身成屯門年宵特攻隊,為的是惜物減廢。但如何進行一個綠色年宵,甚或至令每一次的大型活動減廢,需要你我一起出力。經歷過上年各區結合的力量,今年屯門區的年宵物資拯救行動多了運輸支援,食環署亦新設了資源回收角,以freecycle 有用物資,環保署亦增聘環保大使,以改善回收情況。不過,細看照片後,可以知道情況仍需繼續努力。

今年,屯們誌透過行動前後與檔主的溝通,理解到部分檔主清理埸地的難處,亦聽到關於回收配套的建議。我們將與香港各區年宵物資拯救隊一起進行會議,商討改善方案,集思廣益,希望政府能持續改善廢物處理情況。

再一次衷心希望政府能妥善自行回收再造物資,甚或至源頭減廢,我們並不希望每年都進行年宵物資拯救行動。

#歡迎大家一齊集思廣益
#其實有做得好既檔主請去片

廣告