姚松炎於土瓜灣舉辦造勢大會，鴻福街則是維修香港的基地，有著迥別一般選舉的風景。支持者用舊布和紙皮手寫標語，還有烏都語，是印裔、巴基斯坦裔等少數族群的用語。
＊ ＊ ＊
圖 5 阿駒
阿駒是設計師，去年七一偶遇維修香港的街站，繼而成為義工。
「我唔係咁鍾意政黨模式。但維修香港嘅唔係政黨，又有政治理念，爭取民主，修補社會撕裂，包括基層同少數族裔，我好認同。」
維修香港的伙伴「社區文化關注」，請街坊教烏都語以連繫社群，阿駒因而學會一點，請教老師而寫成標語。
「佢地好似完全被忽略，冇人話畀佢地知有選舉。」阿駒說他們應該知情，多份參與和力量。
集會遊行的人數每況愈下，很多面孔回歸故里，為何阿駒逆流而行？
「個個都無力嘅時候，一定要有啲人出嚟：唔係架，仲有人做嘢，仲有人參與，我地更加要出多啲力。見到有人出力，有人陪，啲人先會出嚟。」
「我完全感受唔到雨傘運動失敗。成日話傘運失敗，民心潰散－－講依啲？我見到嘅係更多人關心政治同社會。一時改變唔到現狀，只係情緒上嘅起伏。只要大家見到有人做嘢，最終啲人會返番嚟。」
＊ ＊ ＊
圖 6 芷婷
芷婷在社工系畢業，因看過《推土機前種花》而關心重建。在發展的名義下，她更惜念被主流打成邊緣，勢被趕走的人，故隨同系師兄加入維修香港。
居住屋苑的她，心儀家門大開，彼此關顧的鄰里生活。她在土瓜灣走進街坊的生命，聆聽他們的故事，從中體會政策有諸多缺點。
礙於家庭，傘運時她不便投身，只能買物資遙寄心意，一直留下遺憾。她相信深耕細作，默默耕耘，由無到有的起點才最重要。
「（運動）要有人，要有時機。你要儲到一班派人，時機成熟嘅時候，人先會出到嚟。」
＊ ＊ ＊
圖 7 小熊維尼搖搖板
小朋友喜歡把小熊維尼放在維修香港師傅製作的搖搖板上，再在另一頭把他激飛。
