立即捐款

陳若山

認為可以將問題解決才叫創新,科技業餘愛好者,喜歡趙雷 網誌

旅遊

不如去世界之窗

不如去世界之窗
廣告

廣告

近排見到酒店業主聯會班人響到嘈Airbnb無牌,會影響業主權益。姑且我今日不討論既得利益者如何死咬自身利益,又不討論香港酒店有幾貴,聽過個旅行社前輩講過,香港千幾二千蚊晚嘅酒店房迫到啲大陸人要去石澳露營,迫到要用飲水機痾尿。

現時去旅行,我們首要希望是有自由,不是由個導遊啊珍,帶你走玉石場,試過有次我去馬拉,個導遊興奮到帶我地買買買,六千幾蚊個團,我咩當地文化都無體驗過,街市未行過,當地文化只係從博物館見到,酒店電視仲播緊機頂盒,仲有央視睇!其實深度遊唔只係一種旅行方式,更多嘅係一種生活習慣,我地可以用旅行的方式融入當地的生活。即然我地可以有深度地去遊覽一個地方,點解仲要有個導遊好似個郵差咁,同你講景點名,同地講遊覽書上有嘅嘢。如果可以我地希望去參與一場當地婚禮,或者去當地夜市走一轉,或者去一次菜市場,多過想去睇一場旅遊區精心安排嘅舞蹈表演。更想坐一下巴士,或者人力車,而唔係坐旅遊巴。

近年,民宿興起,我諗大概就係現時人太渴望去了解別人的生活,我地不滿足只在手機屏幕去了解其他人生活,所以我地想去參與人地生活,我地嚮往同個老房東伯伯去摘菜,一起煮飯。我地唔想只係被放置於一個空間內,而繼續固有生活模式,更想係同房東一起早起,在花園散步,了解間屋嘅歷史。我地想要一段獨特的旅遊方式,跟隨性格而定,跟從心情而改變行程,一切隨心,而唔係每日12點check out,或者躺在床上看酒店的電視,就渡過一晚。

香港人成日講自由,但去旅遊嘅香港人只係似一班小學生,任由導遊同酒店呃你錢。與其係咁,不如上網搵間民宿,體驗下當地民情,都好過被困於酒店內。我地成日講要過生活,要好好過日子,但放假嘅香港人,你只係畀錢旅行社帶你去睇電視上,旅遊書上或者世界之窗都有嘅嘢。

廣告