立即捐款

周諾恆 jaco

社民連內務副主席 網誌

政經

政府改政策 原來可以無成效指標 無指標就唔會俾人話不達標

政府改政策  原來可以無成效指標  無指標就唔會俾人話不達標
廣告

廣告

由勞工及福利局局長成立的跨局跨部門工作小組,聲稱探討改善政府外判服務制度,加強保障非技術員工的合理待遇及勞工權益,昨日與團體會面。小co子跟關注生活工資聯盟去見,見到爭d想搵水潑羅致光。

講到外判工權益,最重要的當然首先是工資問題。聯盟一直建議政府外判合約要加條款,規定外判工的工資需要達到生活工資的水平,假期必需有薪。但阿局長立即話,生活工資計算方式未有共識,而就算用行業入息中位數去計佢都不考慮,因為這樣會拉高中位數、然後每年都要追逐新中位數。言下之意,即係佢雖然話要改善政府外判工的收入,但是他們活該永遠達不到行業中位數。咁胡穗珊、胡美蓮等等就話,但現在好多清潔工收入唔夠生活喎,局長回應:「依家咪有在職家庭津貼囉。」大家當然話,無理由用公帑去補貼老闆、幫佢支付原本應該俾既工資。然後居長就冷冷咁話,「今次唔係傾個工資既標準,你地都唔只關心工資丫,再咁辯論落去你地係咪唔想傾其他問題?」

與會者追問,咁政府如何衡量所謂的檢討,其成效是否達標?阿局長話,「你地都係想知道改革之後工人薪資會升幾多嗟?但係我唔會set一個硬指標。」與會者話,連指標都無咁公眾點監察呀?局長竟然話「咁你一兩年後再問我攞數字,到時咪知囉。」我話,一個局長係度講政策要改變點會一個指標都無,《長遠房屋策略》十年公屋量20萬,就算唔達標都有個數丫。低收入家庭津貼雖然得3.6萬家庭受惠,當初都有個20萬家庭既估算丫。然後局長木無表情咁話,「係無指標架。」

關注生活工資聯盟 要求政府外判合約訂立生活工資
周諾恆 - 支援者筆記: 談海麗工潮及外判制度之問題

廣告