立即捐款

Momay

我係熱愛足球嘅油漆佬。 網誌

體育

阿根庭外援:喺印尼踢波似打仗

阿根庭外援:喺印尼踢波似打仗
廣告

廣告

圖片截圖源於Persib Bandung(佩斯比萬隆)官網,球員喺前日作客阿雷馬,由於發生球迷騷亂,所以安全問題球員們要乘搭警察安排嘅裝甲車離場返酒店,而隊中有2位外援係第一次喺印尼踢波,佢哋係Bojan Mališić(保贊)及Jonathan Bauman(巴文),2位職業生涯去過好幾個地方落班,保贊去過烏茲別克、烏克蘭、香港及菲律賓,巴文去過希臘,但呢幾個地方踢作客比賽都係坐大巴出入目的地,喺香港多數自己搭車走添,唯獨喺印尼係需要坐裝甲車,2位外援都話一定會成世記住。

萬隆官網訪問咗來自阿根庭嘅巴文對於坐裝甲車離場嘅感想,呢位前鋒話阿根庭、希臘同印尼各有唔同嘅足球文化,佢話:「Ini sungguh pengalaman yang luar biasa bagi saya. Tentu, ini yang pertama selama saya berkarier di dunia sepakbola. Aneh memang, itu seperti mau perang. Padahal, kita hanya akan bermain sepakbola」(呢個對我嚟講真係一個不可思議嘅經歷。當然,呢種體驗係我職業生涯中第一次。但奇怪喇,好似去撚咗打仗咁。事實上,我哋只係去踢波)(撚字我加上去)

雖然球迷騷亂喺巴文家鄉阿根庭週不時發生,但佢認為呢種事唔可以變成常態,佢話:「Menunggu hampir tiga jam setelah match sangatlah tidak baik」(比賽結束後等差唔多三粒鐘先走到人係好惡頂)。

對於一啲第一次去印尼落班嘅外援球員嚟講,坐裝甲車出入球場係一件又驚驚豬,但又刺激嘅事,上季效力萬隆嘅加納球星Michael Essien(艾辛)都係第一次坐裝甲車出入球場,佢一啲都唔驚,仲問保護佢嘅防暴警察借鎗影相呃like搞到防暴警察畀人屌做嘢求其,而效力另一支球隊佩斯查嘅印尼老將Bambang Pamungkas(巴蒙卡斯)就喺一次訪問話有一位外援第一次坐裝甲車入場,表現得好緊張,嗰位外援仲有一個疑問,就係點解印尼隊友仲喺到玩同唱歌,此時巴蒙卡斯同嗰位外援講:「唔使驚,呢啲就係印尼足球嘅真諦!」

廣告