立即捐款

陳劍青

本土研究社成員,經營民間地理思想,關注城市空間問題。 網誌

政經

公私合營的群魔亂舞

公私合營的群魔亂舞
廣告

廣告

近日地產商空群出動影響土地大辯論的民意,有地產商背景劉嗚煒又搵學店做民調推銷「公私合營」。今次中大亞太研究所發佈左份,連邊個中大教授負責都唔敢喺全文報告落名,只係見到鄭宏泰黎出席個記招,自己連新聞稿都冇出,學院研究倫理又再下試低位。

(搵食啫,犯法呀?)

唔該大學接頭人落番究竟係中大邊個教授收左劉嗚煒舊錢做呢個研究,立此存照。你幫地產背景既人士借左中大個名,重要隱藏左你自己個名唔駛負責,極度損害左你自己既公信力同公眾利益。

世風日下,依家市面充斥著一種歪風,愈來愈智庫以為搵啲大學生打電話問做民調,就當自己做緊「研究」。然後,重要做民調個個連名都唔肯落,結論任由俾錢個個地產佬開記招任意詮釋,係唔係真係做緊反映社會真實既研究出黎,相信大家都心裡有數。

所以大家亦完全可以估計到,啲研究問題係會set到佢地想要既結論,例如你問市民「公私合營會唔會更快發展房屋」,鬼唔知政府幫地產商鋪橋撘路梗係會最快手,一定落力過攪棕地丁地,駛鬼你問呀?。但最後既結論,就會被扭曲為民意支持「公私合營」。

又唔見你問下市民傾向政府直接收番農地,定係公私合營益地產商?呢個先係依家社會爭議緊個問題呀,完全係錯置重點,製造到你想要既結論,根本同土供組同林鄭一直玩既手法同出一轍。

不過民調裡面有個有趣既發現,劉嗚煒係冇突出的,就係學歷愈高既人,係會愈覺得公私合營係愈有問題,反映其實如果更多公眾更加有知識基礎知道公私合營既「魔鬼細節」,咁就唔會咁易俾地產商既開發大計咁易得逞,各位市民一定要喺土地大辯論裡面更加著意「公私合營」既討論,小心每日接受既傳媒資訊,因為佢將會成為土地大辯論最重要既焦點之一,各位要聚焦啲啦。

參考:
智經研究中心《市民對發展香港房屋土地及以公私營合作發展房屋意見調查》

廣告